Megináhersla deildar á sviði efnis-, líf- og orkutækni er að taka þátt í rannsóknarverkefnum til að auka þekkingu og færni íslenskt samfélags á þeim rannsóknasviðum sem tilgreind eru á hverjum tíma. Deildin vinnur að stöðugri tækniþróun til að koma þekkingu út í atvinnulífið og veitir ráðgjöf  um notkun á  tækni. Jafnframt stundar deildin prófanir sem grunn að óháðri þjónustu á sviði efnisgæða og umhverfisáhrifa.

Áherslur og verksvið deildarinnar skulu á hverjum tíma endurspegla þörf íslensks iðnaðar fyrir þjónustu, rannsóknir og þróun á sviði efnis- og umhverfistækni. Ráðgjöf skal stuðla að betra efnisvali, vandaðri framleiðslu og hagkvæmni.

Á hverju áherslusviði myndar deildin hóp sérfræðinga og aðstoðarmanna sem leysa vandamál í samvinnu, bæði sín á milli og í samvinnu við iðnaðarfyrirtæki.

Mörg verkefni eru einnig unnin í erlendu samstarfi í því augnamiði að auka tengsl og þekkingu íslenskra fyrirtækja út á við.

Efnis-, líf- og orkutækni Nýsköpunarmiðstöðar Íslands á fjölmörg sérhæfð rannsóknar- og prófunartæki sem nýtast ekki bara fyrir þá þjónustu sem þau voru upphaflega keypt fyrir heldur hafa þá oft nýst óskildum aðilum til annarskonar prófana. Hér er í stuttu máli gerð grein fyrir þessum tækjum og þau flokkuð.

• Aðstaða og tækjabúnaður Efnis-, líf og orkudeildar