Ársfundur Orkustofnunar

Dagsetning: 30.3.2012

Ársfundur Nýsköpunarmiðstöðvar Íslands

Dagsetning: 15.3.2012 - Staðsetning: Hilton Reykjavík Nordica

Ársfundur Nýsköpunarmiðstöðvar Íslands verður haldinn fimmtudaginn 15. mars á Hilton Reykjavík Nordica.

Fundurinn er opinn og eru allir áhugasamir hvattir til að taka daginn frá.

Nánari upplýsingar um dagskrá verða birtar þegar nær dregur.

Steinsteypudagurinn 2012

Dagsetning: 17.2.2012 - Staðsetning: Grand hótel Reykjavík

Steinsteypudagurinn er árleg ráðstefna sem haldin er á vegum Steinsteypufélags Íslands. Föstudagurinn 17. mars varð fyrir valinu að þessu sinni og hefst dagurinn kl. 08:30 með skráningu og kaffisopa en formleg dagskrá stendur yfir frá kl. 09:00 - 16:20. 

Dagskrá er að finna hér

Skráning fer fram á steinsteypufelag@steinsteypufelag.is fyrir 15. febrúar.  Verð fyrir heilan dag er kr. 17.000 með hádegisverði (14.000 án hádegisverðar) hálfur dagur kostar kr. 9.5000 án hádegisverðar.  Nemagjald er kr. 3000.- og það án hádegisverðar - nemar greiða við innganginn. 

Tækniþróunarsjóður - umsóknarfrestur

Dagsetning: 15.2.2012

Styrkir til nýsköpunar

Tækniþróunarsjóður heyrir undir iðnaðarráðherra og starfar samkvæmt lögum um opinberan stuðning við tæknirannsóknir, nýsköpun og atvinnuþróun. Sjóðurinn fjármagnar nýsköpunarverkefni í samræmi við meginstefnu Vísinda- og tækniráðs og styrkir nýsköpunarverkefni sem aukið geta samkeppnishæfni íslensk atvinnulífs.

Umsækjendur geta verið fyrirtæki, einstaklingar, rannsóknarstonfnair og háskólar.  Forsenda fyrir aðkomu sjóðsins er að fyrir liggji vel mótuð viðskiptahugmynd um hagnýtt gildi og líklega ávinning sem þróun viðkomandi verkefnis getur leitt til.

Nánari upplýsingar um sjóðinn er að finna á www.rannis.is

Hlutverk sjóðsins er að styðja þróunarstarf og rannsóknir á sviði tækniþróunar sem miða að nýsköpun í íslensku atvinnulífi. Sjóðnum er heimilt að fjármagna nýsköpunarverkefni í samræmi við meginstefnu Vísinda- og tækniráðs.
Mikilvægt er að auka fjölbreytni atvinnulífsins og hraða uppbyggingu þekkingar- og hátæknistarfsemi. Stjórn Tækniþróunarsjóðs telur sjóðinn mæta þessum sjónarmiðum með því að skilgreina nýjar áherslur í samræmi við hlutverk sjóðsins

Styrkir til atvinnumála kvenna 2012

Dagsetning: 14.2.2012

Nú hefur verið opnað fyrir umsóknir um styrki til atvinnumála kvenna er velferðarráðherra veitir árlega. Styrkir þessir hafa verið veittir síðan árið 1991 og er markmið þeirra að efla atvinnulíf og auka aðgengi kvenna að fjármagni. Til ráðstöfunar að þessu sinni eru 30 milljónir og er hámarksstyrkur að þessu sinni kr. 3.000.000. Sérstök ráðgjafanefnd metur umsóknir og er umsóknarfrestur til og með 14.febrúar og mun úthlutun fara fram í apríl.

Styrkhæf verkefni skulu vera í eigu kvenna (amk 50%) og stjórnað af konum og skulu fela í sér atvinnusköpun til frambúðar. Um nýnæmi skal vera að ræða og kröfur eru gerðar um að verkefni skekki ekki samkeppnisstöðu á markaði. Veittir eru styrkir til gerðar viðskiptaáætlunar, áætlanagerðar, þróunarkostnaðar og markaðssetningar (innanlands og erlendis). Auk þess geta konur sem hafa nýlega stofnað fyrirtæki eða eru að stofna fyrirtæki, sótt um styrk til að koma fyrirtækinu í framkvæmd (launastyrkur). Með þeirri umsókn þarf að fylgja fullgerð viðskiptaáætlun.

Ekki eru veittir styrkir vegna stofnkostnaðar, framkvæmda, stærri fjárfestinga né rekstrarstyrkir. Vakin er athygli á því að styrkir eru skattskyldir og þarf að telja fram kostnað á móti.  Ekki eru veittir hærri styrkir en sem nema helming kostnaðar við verkefni en þetta á þó ekki við um gerð viðskiptaáætlunar.

Allar nánari upplýsingar og leiðbeiningar um útfyllingu umsóknar má finna á heimasíðunni www.atvinnumalkvenna.is en þar er að auki rafrænt umsóknareyðublað.

Átak til Atvinnusköpunar opið til umsóknar

Dagsetning: 10.2.2012 - Staðsetning: Vefsíðu Nýsköpunarmiðstöðvar

Opnað verður fyrir umsóknir í Átak til Atvinnusköpunar þann 10. febrúar n.k. Átak til atvinnusköpunar  er styrkáætlun iðnaðarráðuneytisins fyrir nýsköpunarverkefni og markaðsaðgerðir starfandi frumkvöðla- og nýsköpunarfyrirtækja.  Nýsköpunarmiðstöð Íslands hefur umsjón með umsóknarferlinu fyrir hönd iðnaðarráðuneytisins.

Markmið verkefnisins

• Að styðja við þróun nýsköpunarhugmynda á fyrri stigum sem hlotið gætu frekari fjármögnun sjóða og fjárfesta.
• Að styðja við undirbúning og framkvæmd markaðsaðgerða í frumkvöðla og sprotafyrirtækjum.

Hægt er að nálgast umsóknareyðublað og nánari upplýsingar með því að smella hér.

Allar frekari upplýsingar veitir Guðmundur Óli Hilmisson á netfanginu goh@nmi.is eða í síma 522 9433.

Brautargengi á Selfossi

Dagsetning: 8.2.2012 - Staðsetning: Selfoss

Námskeiðið Brautargengi verður haldið áSelfossi í vor og hefst þann 8. febrúar 2012, náist nægjanlegur fjöldi þátttakenda. Brautargengi er námskeið fyrir konur sem vilja hrinda viðskiptahugmynd í framkvæmd og hefja eigin rekstur og fyrir konur sem eru í atvinnurekstri en vilja auka rekstrarþekkingu sína.

Umsóknarfrestur er 3.febrúar nk.

Allar frekari upplýsingar um námskeiðið veitir Selma Dögg Sigurjónsdóttir, verkefnisstjóri, á netfanginu selma@nmi.is eða í síma 522-9434.

Viltu skapa tækifæri í kvikmyndatengdri ferðaþjónustu?

Dagsetning: 7.2.2012 - Staðsetning: Hilton Reykjavík Nordica

Þriðjudaginn 7. febrúar boðar Íslandsstofa til fundar um möguleg tækifæri ferðaþjónustuaðila í kvikmyndatengdri ferðaþjónustu. Fundurinn fer fram á Hilton Reykjavík Nordica frá kl. 10:00-12:00.

Á undanförnum árum hefur orðið mikil aukning á stórum verkefnum í kvikmyndagerð hér á landi. Í sumum tilfellum er um að ræða stórmyndir sem vakið hafa athygli kvikmyndaáhugafólks víða um heim. Áhugavert er að skoða hvaða tækifæri þetta skapar fyrir íslensk ferðaþjónustufyrirtæki til aukins vöruframboðs.

Nánari upplýsingar um dagskrá er að finna á vef Íslandsstofu eða hér

Skráning fer fram á islandsstofa@islandsstofa.is eða í síma 511 4000.

Kynningarfundur Tækniþróunarsjóðs

Dagsetning: 3.2.2012 - Staðsetning: Hús atvinnulífsins

Tækniþróunarsjóður boðar til opins kynningarfundar í Húsi atvinnulífsins, Borgartúni 35, 6. hæð, föstudaginn 3. febrúar kl. 8:30-10:00 í tengslum við umsóknarfrest sjóðsins þann 15. febrúar.

Starfsmenn Rannís fjalla um umsóknar- og matsferli Tækniþróunarsjóðs og svara fyrirspurnum.

Davíð Lúðvíksson, forstöðumaður hjá Samtökum iðnaðarins, stýrir fundinum.

Boðið verður upp á kaffi og meðlæti.

Ferðaþjónusta og fjárfestingar - málþing

Dagsetning: 25.1.2012 - Staðsetning: Hilton Nordica hótel

Landsbankinn og Íslandsstofa boða til opins málþings um fjárfestingar í ferðaþjónustu undir yfirskriftinni, „Ferðaþjónusta og fjárfestingar", miðvikudaginn 25. janúar næstkomandi. Málþingið er haldið í samstarfi við iðnaðarráðuneytið og fer fram á Hilton Reykjavík Nordica frá kl. 10:00 -15:00.

Á málþinginu munu innlendir og erlendir sérfræðingar beina sjónum að stöðu ferðaþjónustunnar á Íslandi, nýsköpun og fjárfestingarmöguleikum.

Dagskrá:

• 10:00   Ávarp - Jón Ásbergsson, Íslandsstofu
• 10:10   Fjárfesting til framtíðar - Árni Gunnarsson, Flugfélagi Íslands, SAF
• 10:25   Tækifæri og viðhorf til fjárfestinga: Niðurstöður könnunar á meðal forsvarsmanna í ferðaþjónustu
  - Gísli Steinar Ingólfsson, Capacent
• 10:45   Hvernig á að fjármagna fyrstu skrefin? Rúnar Óli Karlsson, Borea Adventures
• 11:00   Þróun fjárfestingar og rekstrarafkomu í ferðaþjónustu - Gústaf Steingrímsson, Landsbankanum
• 11:20   Lapland: Tourism development, strategy and investments - Satu Luiro, Þróunarstofu sveitarfélaga í Lapplandi
• 11:50   Er þörf fyrir erlenda fjárfestingu í ferðaþjónustu? Þórður Hilmarsson, Íslandsstofu
• 12:10   Race to the top - Bala Kamallakharan, Auro Investment Partners
• 12:30   Léttur hádegismatur
• 13:30   Biodiversity as a tool for sustainable development - Ignace Schops, Regional Landscape Kempen and Maasland
• 14:00   Eigið fé til uppbyggingar - Þorsteinn Jóhannesson, Norðursiglingu
• 14:15   Að nálgast lánsfé - hvaða atriði ber að hafa í huga? - Davíð Björnsson, Landsbankanum
• 14:30   Ferðaþjónusta og fjárfestar - Helga Valfells, Nýsköpunarsjóði atvinnulífsins
• 14:45   Umbreyting eða ævintýramennska? - Róbert Guðfinnsson, Rauðku
• 15:00: Lokaávarp  - Steinþór Pálsson, bankastjóri Landsbankans

Fundarstjóri, Erna Hauksdóttir, SAF

Þátttaka er án endurgjalds og fer skráning fram á islandsstofa@islandsstofa.is og í síma 511 4000.

Nánari upplýsingar veita:
Soffía Sigurgeirsdóttir, pr@landsbankinn.is / sími 410 4017/ 6949099 og
Arnar Guðmundsson, arnar@invest.is / sími 511 4000

Sóknarbraut á Akureyri

Dagsetning: 24.1.2012 - Staðsetning: Akureyri

Sóknarbraut er hagnýtt námskeið um rekstur fyrirtækja með áherslu á þróun hugmynda, markaðssetningu, stjórnun og fjármál. Námskeiðið byggir á fyrirlestrum, einstaklingsbundinni handleiðslu og verkefnavinnu.

Boðið er upp á námskeiðið innan ákveðinna svæða hverju sinni. Á vormisseri 2012 verður boðið upp á Sóknarbraut á Akureyri.

Skráning og frekari upplýsingar

Eingöngu er tekið við umsóknum á rafrænu formi.  Skráningarfrestur á vormisseri 2012 er 18. janúar, námskeiðið hefst 24. janúar. Nánari upplýsingar um dagskrá og efnistök námskeiðsins má nálgast í kynningarbæklingi.  Einnig má nálgast upplýsingar hjá:

Elínu Aradóttur, verkefnisstjóra, elina@nmi.is , sími: 522 9432
Selmu Dögg Sigurjónsdóttur, selma@nmi.is  sími: 522 9434

Málþing um klasa og klasastjórnun

Dagsetning: 24.1.2012 - Staðsetning: Hilton Reykjavík Nordica

Iceland Geothermal í samvinnu við Rannís og Nýsköpunarmiðstöð Íslands standa fyrir málþingi 24. janúar 2012 um klasa og klasastjórnun. Yfirskrift málstofunnar er „Sameinum kraftana til nýrrar sóknar" og þar verður fjallað um hvernig hægt er að beita klasastjórnun til að bæta samkeppnishæfni atvinnugreina á Íslandi.

Meginmarkmið málsþingsins er að fara yfir kosti klasastjórnunar, skoða hvað ber að hafa að leiðarljósi við innleiðingu klasasamstarfs og hvernig þessi aðferðafræði bætir samkeppnishæfni Íslands.

Aðalfyrirlesari málþingsins er dr. Gerd Meier zu Köcker, aðstoðarforstjóri þýsku nýsköpunarmiðstöðvarinnar í Berlín og einn virtasti sérfræðingur Evrópu á sviði klasastjórnunar og frumkvöðlafræða. Inntak klasastefnu er að sameina kraftana og leiða saman ólíka aðila, sem starfa innan sömu greinar.

Málþingið hefst klukkan 8.30 á Hilton Reykjavík Nordica með ávarpi dr. Össurar Skarphéðinssonar utanríkisráðherra. Þá mun dr. Meier flytja erindið ,,Trends in Cluster Polidy and Cluster Development" og þeir dr. Runólfur Smári Steinþórsson prófessor við HÍ og Hákon Gunnarsson framkvæmdastjóri Gekon fjalla um þróun klasa á Íslandi og hvers vegna klasar eru mikilvægir. Þá verður fjallað um klasa á Íslandi, þróun þeirra og framtíðarmöguleika. Þar taka til máls Þór Sigfússon framkvæmdastjóri íslenska sjávarklasans, dr. Björn Zoega forstjóri Landspítala Háskólasjúkrahúss, Grímur Sæmundssen forstjóri Bláa lónsins og Þóra M Þorgeirsdóttir í Gekon.

Að erindum loknum taka við pallborðsumræður undir stjórn Kjartans Eiríkssonar framkvæmdastjóra KADECO. Þátttakendur í pallborði eru dr. Gerd Meier zu Köcker, Hákon Gunnarsson, Helga Jónsdóttir ráðuneytisstjóri og Stefán Pétursson fjármálastjóri í Arion Banka. Að lokum mun Orri Hauksson framkvæmdastjóri Samtaka iðnaðarins annast samantekt. Fundarstjóriá málþinginu er Elvar Knútur Valsson, sérfræðingur í iðnaðarráðuneytinu.

Nánari upplýsingar um málþingið veitir Hákon Gunnarsson framkvæmdastjóri Gekon í hakon@gekon.is.

Dagskrá er að finna hér

Um dr. Gerd Meier zu Köcker

Dr. Gerd Meier zu Köcker lauk doktorsprófi 1995 og gekk til liðs við VDI/VDE Innovation + Technik GmbH (þýska nýsköpunarmiðstöðin) 1999, þar sem hann starfar nú sem aðstoðarforstjóri. Hann hefur síðan 2007 stýrt Agency Competence Networks í Þýskalandi, af hálfu ráðuneytis efnahagsmála og tækni. Þá hefur hann síðan 2009 stjórnað Frumkvöðla- og tæknistofnun Berlínar.

Dr. Gerd Meier hefur mótað frumkvöðlastefnu og klasaverkefni víða um lönd og hefur skrifað mikið um frumkvöðlastarf, klasastjórnun og miðlun tækni og upplýsinga. Hann er eftirsóttur fyrirlesari um þessi efni, jafnt í Evrópu, Afríku og Asíu. Þá er hann ráðgjafi og stjórnarmaður í European Cluster Observatory, European TACTICS project, Danish Cluster Initiative REG X, KEEN Region og hinu franska Network Euro-Mediterranean Innovation - auk þess að vera meðlimur European Commissions's European Cluster Co-operation Forum ECCF, svo nokkuð sé nefnt.

Hvað er spunnið í opinbera vefi 2011?

Dagsetning: 18.1.2012 - Staðsetning: Grand Hótel Reykjavík

Hádegisfundur á Grand Hótel Reykjavík miðvikudaginn 18. janúar frá kl. 12:00 - 14:00

Kynning á niðurstöðum 4. úttektarinnar á opinberum vefjum ríkis og sveitarfélaga. Viðurkenningar verða veittar fyrir besta ríkisvefinn og besta sveitarfélagavefinn.  

Skráning á vef Skýrslutæknifélagsins: www.sky.is

Dagskrá fundar

• Kl.12:05-12:20 Fundur settur og hádegisverður borinn fram.  Camenbertgljáð blálanga á grænmetisbyggbeði með dillostasósu. Kaffi, te og konfekt.
• Kl.12:20-12:30 Aðdragandi og markmið úttektar.
  Halla Björg Baldursdóttir, forstöðumaður rafrænnar stjórnsýslu, Þjóðskrá Íslands.
• Kl.12:30-13:10 Framkvæmd, úrvinnsla og helstu niðurstöður úttektar á opinberum vefjum 2011.
  Jón Kristinn Ragnarsson, sérfræðingur og Tryggvi R. Jónsson, liðsstjóri, Áhættuþjónusta Deloitte hf.
• Kl.13:10-13:30 Innanríkisráðherra, Ögmundur Jónasson, veitir viðurkenningar fyrir besta ríkisvefinn og besta sveitarfélagavefinn. Inngangur dómnefndar: Marta Kristín Lárusdóttir, lektor í tölvunarfræði við Háskólann í Reykjavík, Helga Arnardóttir, fréttamaður á Stöð 2 og Rakel Pálsdóttir, forstöðumaður almannatengsla hjá Samtökum iðnaðarins. Viðurkenningar afhentar.
• Kl. 13:30-13:55 Horft fram á veg - Hvað má betur fara á opinberum vefjum?
  Tryggvi Gunnarsson, umboðsmaður Alþingis.
• Kl. 13:55-14:00 Lokaorð - ráðstefnuslit.

Ráðstefnustjóri: Guðbjörg Sigurðardóttir, skrifstofustjóri í innanríkisráðuneyti.

Undirbúningsnefnd: Guðbjörg Sigurðardóttir, innanríkisráðuneyti, Björn Sigurðsson, forsætisráðuneyti og Halla Björg Baldursdóttir, Þjóðskrá Íslands.

Þátttökugjald fyrir félagsmenn Ský: 4.900 kr. Þátttökugjald fyrir utanfélagsmenn: 7.900 kr. Þátttökugjald fyrir aðila utan vinnumarkaðar: 3.000 kr.

Atvinnu- og nýsköpunarhelgin í Reykjavík

Dagsetning: 14.1.2012 - Staðsetning: Háskóli Íslands - Árnagarður - stofa 201

Komdu hugmynd í framkvæmd á 48 klukkustundum!

Atvinnu- og nýsköpunarhelgin í Reykjavík fer fram helgina 13. til 15. janúar í Árnagarði, stofu 201, Háskóla Íslands. Viðburðurinn er haldinn er í þeim tilgangi að hjálpa einstaklingum að koma hugmyndum sínum í framkvæmd.

Að helginni standa Innovit nýsköpunar- og frumkvöðlasetur og Landsbankinn í samstarfi við Reykjavíkurborg.

Þátttaka er ókeypis!

Erlend fyrirmynd viðburðarins er StartupWeekend þar sem þátttakendur mæta með eða án hugmyndar, skipta sér niður í teymi og vinna frá föstudegi til sunnudags við að byggja upp viðskiptahugmyndir. Markmiðið er að klára frumgerð, eða komast sem næst því að klára frumgerð af vörunni eða þjónustunni sem unnið er að yfir helgina. Fjölmargir sérfróðir aðilar mæta yfir helgina og hjálpa þátttakendum við uppbyggingu hugmyndanna.

Allir geta tekið þátt; þeir sem hafa hugmynd að vöru eða þjónustu og einnig þeir sem vilja hjálpa hugmyndum annarra við að verða að veruleika. Hugmyndir þátttakenda geta verið margskonar og mislangt á veg komnar, þess vegna algjörlega ómótaðar hugmyndir að vöru eða þjónustu.

Við hvetjum alla til þess að mæta og kynna sér fyrirkomulag viðburðarins.

Dagskrá og aðrar upplýsingar um viðburðinn má finna á www.anh.is

Kynningarfundur - þarfagreining fyrirtækja

Dagsetning: 13.1.2012 - Staðsetning: Hótel Höfn - Hornafirði

Viltu láta þarfagreina þitt fyrirtæki?

Nýsköpunarmiðstöð Íslands býður öllum starfandi fyrirtækjum á Hornafirði á kynningarfund föstudaginn 13. janúar frákl. 10:30-12:30 á Hótel Höfn.

Kynna á nýtt verkefni þar sem fyrirtækjum býðst að fá þarfagreiningu og úttekt á sínum rekstri frá þaulreyndum ráðgjafa þeim að kostnaðarlausu. Þarfagreiningin felur í sér tveggja tíma heimsókn þar sem farið verður yfir ýmsa þætti í rekstrinum. Fyrirtækin fá yfirlit eftir heimsóknina og tillögur að atriðum sem hægt er að vinna frekar með.
Boðið er upp á framhaldsráðgjöf eftir þarfagreininguna þar sem einstakir verkþættir eru skoðaðir nánar.

Dagskrá fundar:

• 10:30 Tilurð og markmið verkefnisins - Tinna Björk Arnardóttir hjá Nýsköpunarmiðstöð Íslands
• 10:40 Þarfagreining - Tinna Björk Arnardóttir hjá Nýsköpunarmiðstöð Íslands
• 11:00 Verkþættir kynntir - Páll Kr. hjá Gekon
• 11:40 Upplifanir í ferðaþjónustu - Sigríður Ó. Kristjánsdóttir hjá Nýsköpunarmiðstöð Íslands
• 12:00 Verkþættir framhald - Páll Kr. hjá Gekon
• 12:10 Umræður og spurningar
• 12:30 Fundi lýkur
  

Léttur hádegisverður í boði. Ekki missa af þessu gullna tækifæri!

Skráning fer fram hér

Evrópusamvinna - kynning á tækifærum og styrkjum

Dagsetning: 12.1.2012 - Staðsetning: Háskólatorg

Evrópusamvinna - kynning 12. janúar

Meistaradeild sprotafyrirtækja - Eurostars kynningarfundur

Dagsetning: 10.1.2012 - Staðsetning: Hús atvinnulífsins Borgartúni 35

Nýsköpunarmiðstöð Íslands, Samtök iðnaðarins og Rannís halda opinn kynningarfund um Eurostars, áætlun fyrir fyrirtæki sem vinna sjálf að rannsóknum og þróun. Einnig verður sagt frá þjónustu Enterprise Europe Network við sprotafyrirtæki.

Fundurinn verður þriðjudaginn 10. janúar 2012 kl. 8:30 - 10:30 í Húsi atvinnulífsins að Borgartúni 35. Fundurinn er öllum opinn en væntanlegir umsækjendur Eurostarsverkefna og starfsmenn fyrirtækja í Samtökum sprotafyrirtækja eru sérstaklega hvattir til að mæta.

Dagskrá fundar

• Umsóknar- og matsferlið: Snæbjörn Kristjánsson, verkfræðingur hjá Nýsköpunarmiðstöð Íslands, landsfulltrúi í stjórn Eurostars
• Vinna alþjóðlegu valnefndarinnar sem metur og raðar umsóknum í forgangsröð: Helga Waage tæknistjóri hjá Mobilitus
• Kynning á Eurostarsverkefninu MicroFeed sem er samvinnuverkefni við Processum ab í Svíþjóð. Ásgeir Guðnason Rannsóknar- og þróunarstjóri hjá Sæbýli ehf, Ragnar Jóhannssons hjá Matís ohf. og Arnþór Ævarsson hjá Prókatín ehf
• Kynning á Eurostars verkefninu FIIA-Forensic Image Identifier and Analyzer sem er unnið í samvinnu við Forensic Pathways ltd í Bretlandi og INRIA háskóla í Frakklandi.H erwig Lejsek CEO hjá Videntifier Technologies ehf
• Kynning á þjónustu EEN fyrir sprotafyrirtæki og tækifæri á samstarfi erlendis. Kristín Halldórsdóttir, forstöðumaður Enterprise Europe Network á Íslandi

Fundarstjóri er Davíð Lúðvíksson forstöðumaður hjá Samtökum iðnaðarins. Léttur morgunverður í boði

Skráning fer fram hér

Nánari upplýsingar um Eurostars áætlunina er að finna hér

Umsóknarfrestur - Ísland allt árið

Dagsetning: 10.1.2012

Umsóknir um styrki í Ísland allt árið - frestur til 10. janúar