Vetnissamfélagið Ísland

Nýsköpunarmiðstöð íslands vinnur rannsókna- og þróunarverkefnum þar sem innlend og umhverfisvæn orka kemur í stað olíu og bensíns. Meðal þessara verkefna eru “Ectos” og “Natríumbórvetni til geymslu vetnis”. Þessum verkefnum er lýst frekar hér að neðan.

ECTOS - Vetnisvagnar í Reykjavík

ECTOS verkefnið er fólgið í rekstri á vetnisstöð og akstri strætisvagna sem ganga fyrir vetni og eru drifnir með efnarafölum. Jafnframt fara fram mælingar á umhverfisáhrifum og kannanir á viðtökum almennings við þessari nýjung.

Nýsköpunarmiðstöðin vinnur einkum að umhverfisþætti verkefnisins með athugun á umhverfisáhrifum vagnanna og samanburði við aðra orkugjafa. Skoðað er hvernig vetnisvæðing getur breytt loftgæðum í borginni til lengri tíma litið.

Náin samvinna er við önnur tilraunaverkefni á þessu sviði sem eru í gangi í Evrópu. Nánari upplýsingar um verkefnið er að finna hér.

Natríumbórvetni til geymslu vetnis

Stöðugt er verið að leita hentugra geymsluaðferða vetnis (H₂)  og er natríumbórvetni (NaBH₄) áhugaverður kostur vegna þess hversu meðfærilegt og hættulaust það er.

Nýsköpunarmiðstöð Íslands þróar framleiðsluferli

Í verkefninu er þekking Íslendinga á endurnýjanlegum orkugjöfum og efnaferlum nýtt til hönnunar framleiðsluferlis á natríumbórvetni. Unnið er með bandaríska hugmynd og framleiðslan aðlöguð íslenskum aðstæðum. Sérstaklega er horft til notkunar gufuaflsvirkjana í þessu tilliti. Auk þess er þróuð endurhleðsluaðferð á bórnum með tilliti til íslenskra aðstæðna, þar sem NaBO₂ er breytt í NaBH₄. Nánari upplýsingar um verkefnið er að finna hér.