Opnað hefur verið fyrir umsóknir í Átaki til atvinnusköpunar

10. febrúar 2012

Iðnaðarráðuneytið auglýsir eftir umsóknum um styrki úr verkefninu Átaki til atvinnusköpunar en verkefnið veitir styrki til nýsköpunarverkefna og markaðsaðgerða starfandi frumkvöðla og nýsköpunarfyrirtækja.

Markmið verkefnis er að styðja við þróun nýsköpunarhugmynda á fyrri stigum sem hlotið gætu frekari fjármögnun sjóða og fjárfesta og að styðja við undirbúning og framkvæmd markaðsaðgerða í frumkvöðla- og sprotafyrirtækjum.

Styrkir geta að hámarki numið 50% af heildarkostnaði verkefnisins og ekki eru veittir styrkir til fjárfestinga s.s. tækjum og búnaði. Umsóknarfrestur er til og með 1. mars 2012.

Frekari upplýsingar og rafræn eyðublöð má nálgast með því að smella hér. Einnig má senda beiðni um upplýsingar og aðstoð á netfangið johanna@nmi.is.