Námskeið

Nýsköpunarmiðstöð býður upp á fjölbreytt námskeið á sviði stjórnunar, nýsköpunar og þjónustu. Einnig bjóðum við upp á sérsniðin námskeið í samvinnu við fyrirtæki og félagasamtök.

Hlutverk okkar er að svara þörfum og óskum viðskiptavina um fræðslu og hafa frumkvæði að nýjum lausnum á sviði menntunar og nýsköpunar. Við störfum með einstaklingum, fyrirtækjum og stofnunum um land allt.

Nýsköpunarmiðstöð  stendur fyrir eftirfarandi námskeiðum:

Örnámskeið. Nýjar hugmyndir og tækifæri á markaði. Örnámskeið fyrir fólk sem vill vinna að eigin viðskiptahugmynd í nýju eða starfandi fyrirtæki. Námskeiðin verða kennd hjá Símenntunarmiðstöðinni á Vesturlandi,  Bjarnarbraut 8, Borgarnesi.

Brautargengi er námskeið fyrir konur sem vilja hrinda viðskiptahugmynd í framkvæmd og hefja eigin rekstur og fyrir konur sem eru í atvinnurekstri en vilja auka rekstrarþekkingu sína.

Stofnun og rekstur fyrirtækja er ætlað þeim sem búa yfir viðskiptahugmynd og hafa hug á að stofna fyrirtæki í kringum hana. Námskeiðið er einnig ætlað þeim sem hafa nýlega stofnað fyrirtæki eða vilja auka rekstrarþekkingu sína.

Námskeið fyrir frumkvöðlakonur af erlendum uppruna sem vilja fullvinna viðskiptaáætlun sína. Vinnumálastofnun og Nýsköpunarmiðstöð Íslands standa fyrir námskeiðinu en Félag kvenna af erlendum uppruna er einnig samstarfsaðili í verkefninu. 

Sóknarbraut hentar sérstaklega vel einstaklingum sem starfa sem stjórnendur í minni fyrirtækjum og einstaklingum sem hafa hug á að hrinda í framkvæmd viðskiptahugmynd eða stofna eigið fyrirtæki.

Ratsjáin - Nýsköpunar og þróunarverkefni er samstarfsverkefni Íslenska ferðaklasans og Nýsköpunarmiðstöðvar Íslands sem stuðlar að því að bjóða stjórnendum í starfandi ferðaþjónustufyrirtækjum þátttöku í þróunarferli með það að markmiði að efla þekkingu og hæfni sína á sviði fyrirtækjareksturs.