Fab Lab

Fab Lab logo

Fab Lab

Fab Lab (Fabrication Laboratory) er stafræn smiðja með tækjum og tólum til að búa til nánast hvað sem er. Nýsköpunarmiðstöð Íslands setti upp Fab Lab smiðju í Vestmannaeyjum sumarið 2008. Fab Lab smiðjan gefur ungum sem öldnum, einstaklingum og fyrirtækjum, tækifæri til að þjálfa sköpunargáfuna og hrinda hugmyndum sínum í framkvæmd með því að hanna, móta og framleiða hluti með aðstoð stafrænnar tækni.

Markmið

Markmið verkefnisins er að auka þekkingu á persónumiðaðri framleiðslu, stafrænum framleiðsluaðferðum í iðnaði og að efla nýsköpun á Íslandi. Þá er verkefninu ætlað að auka tæknilæsi almennings og almenna tæknivitund. Markmið verkefnisins eru enn fremur að skapa vettvang fyrir nýsköpun og að efla samkeppnishæfni iðnaðarfyrirtækja, menntastofnana og nemenda.

Fab Lab smiðjan mun auka tæknilæsi almennings og skapa möguleika á aukinni fjölbreytni í atvinnulífinu með því að stuðla að nýsköpun.

Fyrir hverja er Fab Lab smiðjan?

Fab Lab smiðjan er ætluð frumkvöðlum, nemendum, almenningi, fyrirtækjum og stofnunum.

Staðsetning

Fab Lab smiðjan er í starfsstöð Nýsköpunarmiðstöðvar Íslands að Bárustíg 1, í Vestmannaeyjum, s: 481 3355.
Starfsmaður er Frosti Gíslason.

Nánari upplýsingar um Fab Lab

Tenglar

Fab Lab in English

The Fablab in Vestmannaeyjar in Iceland started in the summer of 2008.

Please see our Fab lab Wiki web on www.fablab.is/wiki

More information about Fab Lab.

Center for Bits and Atoms in MIT

CNN about Fab Lab

Fab Lab lecture of Neil Gershenfeld at Center for Bits and Atoms MIT á TED.com

http://fabfoundation.org/

10.11.2009

Alþjóðleg Athafnavika í Eyjum

Sibyr í Fab Lab Impra á Nýsköpunarmiðstöð í Eyjum tekur þátt í alþjóðlegu athafnavikunni og verða eftirtaldir viðburðir þar.

Þriðjudaginn 17.nóv: Fab Lab (fabrication laboratory) fyrir frumgerðarsmíði
Miðvikudaginn 18.nóvember:Nýsköpunarstefna fyrir Vestmannaeyjar, umræðufundur í samstarfi NMI og Atvinnuþróunarfélags Suðurlands.
Miðvikudaginn 18.nóvember: Fab Academy, tölvustýrð fræsing
Fimmtudaginn 19.nóvember: Þrívíddarhönnun með Blender

sjá nánar »

29.9.2009

Fab Lab smiðjan vinsæl í Eyjum

Fab Lab smiðja Nýsköpunarmiðstöðvar Íslands nýtur mikilla vinsælda í Vestmannaeyjum og það sem af er septembermánuði hafa 328 gestir nýtt sér smiðjuna til þess að smíða frumgerðir, læra um stafræna tækni, smíða tölvukubba, nota tölvustýrða laserskera og fræsivélar til að smíða fjölbreytta hluti og læra hönnun með opnum hugbúnaði.

sjá nánar »

16.9.2009

Hvað er Fab Lab?

Fab Lab (Fabrication Laboratory) er stafræn smiðja með tækjum og tólum til að búa til nánast hvað sem er. Nýsköpunarmiðstöð Íslands starfrækir Fab Lab smiðju í Vestmannaeyjum.