Impra á Nýsköpunarmiðstöð í Eyjum tekur þátt í alþjóðlegu athafnavikunni og verða eftirtaldir viðburðir þar.

• Þriðjudaginn 17.nóv: Fab Lab (fabrication laboratory) fyrir frumgerðarsmíði          
• Miðvikudaginn 18.nóvember:Nýsköpunarstefna fyrir Vestmannaeyjar, umræðufundur í samstarfi NMI og Atvinnuþróunarfélags Suðurlands.
• Miðvikudaginn 18.nóvember: Fab Academy, tölvustýrð fræsing
• Fimmtudaginn 19.nóvember: Þrívíddarhönnun með Blender

Fab Lab smiðja Nýsköpunarmiðstöðvar Íslands nýtur mikilla vinsælda í Vestmannaeyjum og það sem af er septembermánuði hafa 328 gestir nýtt sér smiðjuna til þess að smíða frumgerðir, læra um stafræna tækni, smíða tölvukubba, nota tölvustýrða laserskera og fræsivélar til að smíða fjölbreytta hluti og læra hönnun með opnum hugbúnaði. 

Fab Lab (Fabrication Laboratory) er stafræn smiðja með tækjum og tólum til að búa til nánast hvað sem er. Nýsköpunarmiðstöð Íslands starfrækir Fab Lab smiðju í Vestmannaeyjum.

 

 

Nú á næstunni hefst kennsla í Fab Academy, alþjóðlegu námi sem hægt verður að stunda frá Fab Lab smiðjunni í Vestmannaeyjum og á níu öðrum stöðum í heiminum.  Í náminu læra nemendur ýmis tæknileg atriði sem eru nauðsynleg hæfni.

Nánari upplýsinga má finna á www.fabacademy.org eða hjá Frosta Gíslasyni í Fab Lab smiðjunni í Vestmannaeyjum, 481 3355.

Nýsköpunarmiðstöð Íslands býður upp á kennslu í Fab Lab smiðjunni í Eyjum fyrir breiðan hóp fólks. Boðið verður upp á sérnámskeið fyrir hópa og fyrirtæki í haust. Þá verður einnig í boði kennsla fyrir grunnskólanemendur, framhaldsskólanemendur og svo verður í boði kennsla í Fab Academy, sem er sambland af námi á háskólastigi og framhaldsskólastigi. Fab Academy verður kennt samhliða áfanga í MIT sem ber heitið How to make (almost) anything og kennarar verða prófessorar úr ýmsum virtum háskólum víðsvegar um heiminn. Í Fab Lab smiðjunni í Eyjum verður verklegi þátturinn kenndur.

Nýsköpunarmiðstöð Íslands
Sérfræðingur í stafrænni framleiðslutækni

Nýsköpunarmiðstöð Íslands auglýsir stöðu sérfræðings með starfsaðstöðu í Fab Lab smiðjunni í Vestmannaeyjum.
Starfssvið
Verkefni á sviði frumgerðasmíði, kennslu, þróunar og ýmiss konar nýsköpunarverkefna í samstarfi við fyrirtæki, nemendur og frumkvöðla.

Fab Academy er alþjóðlegt nám fyrir þá sem vilja öðlast færni sem nauðsynleg er á  21. öldinni. Kennslan hefst haustið 2009 og verður hægt að stunda námið frá Fab Lab smiðjunni í Vestmannaeyjum ásamt nokkrum völdum stöðum víðs vegar um heiminn.  Kennarar verða prófessorar frá MIT háskólanum, University of Bath, IAAC í Barcelona o.fl. ásamt kennurum í Fab Lab smiðjunum um heim allan.

Fjallað var um Fab Lab smiðju Nýsköpunarmiðstöðvar Íslands í kvöldfréttum Sjónvarpsins laugardaginn 20. júní.

16 manna hópur frá Grunnskóla Mýrdalshrepps kom í Fab Lab smiðjuna þann 13.maí s.l. og vann að vöruþróunarhugmyndum sínum.

Dr. Edmund Harris stærðfræðingur frá London kom á dögunum í Fab Lab smiðjuna og vann að gerð stærðfræðiskúlptúrs með um 20 ungmennum í Fab Lab smiðjunni í Eyjum.  Samhliða vinnunni við gerð skúlptúrsins fræddi Dr. Edmund ungmennin um gerð þrívíddarlíkana úr tvívíðum stærðfræðilegum formum.

Nánari upplýsingar um verkefnið má finna á http://www.fablab.is/w/index.php/Sculpture_System_No._5 

Alþjóðlega páskaeggjasamkepnin í Fab Lab er nú hafin. Þátttakendur eiga að gera lýsingu og hvernig eggin eru gerð og hvaða eiginleikum þau eru gædd tæknilega.  Nánari upplýsingar í Fab Lab smiðjunni.

Um 200 ungmenni heimsóttu Fab Lab smiðju Impru á Nýsköpunarmiðstöð í Vestmannaeyjum fyrir hádegi á öskudaginn, 25.febrúar 2009.

Ungmennin sungu samtímis fyrir fólkið í Fab Lab smiðjunum  í Vestmannaeyjum, í Noregi og á Spáni og fékk söngurinn góðar viðtökur.  Að launum fengu ungmennin góðgæti og Heimaey skorna í laserskeranum í Fab Lab smiðjunni.

Kennslan er nú hafin á ný frá MIT í Fab lab smiðjunni í Vestmannaeyjum.

Nú verður kenndur áfanginn:
MAS 961
How To Make Something That Makes (almost) Anything
Mánudaga frá 18:00-21:00 í Fab Lab smiðjunni í Vestmannaeyjum.

Í janúar 2009 ákvað sjö manna hópur Fab Lab notanda frá þremur löndum að fara á eigin vegum til Jalalabad í Afghanistan með háleit markmið um að byggja upp frítt þráðlaust internetsamband í borginni. Ferðalangarnir voru Bandaríkjamennirnir Amy Sun, Lucy Williams, Steve Arnold og Keith Berkoben, Suður-Afríkubúinn Carl Scheffler, og Íslendingarnir Andreas Guðmundsson og Smári McCarthy, sem er starfsmaður Impru á Nýsköpunarmiðstöð Íslands.

Kennsla er nú hafin á ný í Fab Lab smiðjunni í Vestmannaeyjum í Grunnskóla Vestmannaeyja og Framhaldsskóla Vestmannaeyja.

Nemendur í Framhaldsskólanum í Vestmannaeyjum eru í öðrum áfanga í Fab 203.
Nemendur munu læra nánar um stafræna framleiðslutækni og nýta sér þá aðstöðu sem er í Fab Lab smiðju Impru á Nýsköpunarmiðstöð Íslands í Vestmannaeyjum.  Nemendurnir munu ýmist vinna að smærri verkefnum og stærra lokaverkefni.

 

Frosti Gíslason, frá Fab Lab smiðju Impru á Nýsköpunarmiðstöð Íslands fór til Lyngen í Noregi til þess að efla samstarf og  kynnast starfsemi Fab lab smiðjunnar þar og annara smiðja víðsvegar um heiminn.  Á staðnum voru fulltrúar frá MIT í Boston, Fab lab smiðjum í Amsterdam, Barcelona og Vestmannaeyjum.

Markmið heimsóknarinnar var að taka þátt í vinnubúðum í smiðjunni og læra betur á búnað Fab lab smiðjanna, hugbúnað, tækjabúnað og annað sem viðkemur rekstri á Fab Lab smiðjum og þar með að styrkja tengsli við aðrar smiðjur víðsvegar um heiminn.