Fulltrúi Evrópumiðstöðvar Impru kom til Eyja að kynna þjónustu sem er í boði fyrir fyrirtæki í Eyjum föstudaginn 26.mars 2010.
Megin áhersla fundarins var þjónusta vegna sjávarútvegssýningar European Seafood Exposition 2010 sem verður haldin í Brussel dagana 27.-29. apríl nk.

Sameiginlegur kynningarfundur með sjávarútvegsfyrirtækjum í Eyjum var haldinn kl: 10:00 föstudaginn 26.mars  á Nýsköpunarmiðstöð Íslands Bárustíg 1 í Eyjum.
Milli kl: 12 og 17 heimsótti fulltrúi Evrópumiðstöðvar fyrirtæki og aðstoðaði við að koma þeim á framfæri í Evrópusamstarfi eða  aðstoða vegna væntanlegrar sjávarútvegssýningar í Brussel.

Húsfyllir var á námskeiði Orkubóndans í Eyjum þann 23.mars síðast liðinn á Kaffi Kró. 
Á námskeiðinu í Eyjum var sérstök áhersla lögð á virkjun með varmadælum, vindmyllum og einnig með öldum og sjávarföllum.
Bæði heimamenn og sérfræðingar sem komu víða að fluttu þar erindi. 

Orkubóndinn í Eyjum

Áhugamenn um virkjun orku, hvort sem um er að ræða virkjun bæjarlækjar, hitareits, vindgnauðs, sólar eða jafnvel fjóshaugs, geta sótt námskeiðið Orkubóndann sem Nýsköpunarmiðstöð Íslands stendur fyrir í Eyjum þann 23. mars n.k.

Á námskeiðinu í Eyjum verður sérstök áhersla lögð á virkjun með varmadælum, vindmyllum og einnig með öldum og sjávarföllum.