Rannís og Nýsköpunarmiðstöð Íslands stóðu fyrir opnum kynningarfundi um Öndvegisrannsóknaráætlun Norðurlanda (Toppforskningsinitiativet) á sviði loftlags-, orku- og umhverfismála miðvikudaginn 13. janúar sl. á Grand Hótel Reykjavík.  Fundurinn var vel sóttur og fundargestir mjög áhugasamir.

Áætlunin er stærsta samnorræna átakið á þessu sviði nokkru sinni og eru umsóknarfrestir í febrúar og mars. Í áætluninni eru fólgin mikil tækifæri fyrir íslenskt vísindafólk á þessum sviðum.  Frekari upplýsingar um áætlunina má finna á http://www.toppforskningsinitiativet.org/

Dagskrá fundarins og glærur frá fyrirlestrum: 

• Kynning á Öndvegisrannsóknaráætluninni  -  Hallgrímur Jónasson, RANNÍS
• Undiráætlun um aðlögun að loftslagsbreytingum og rannsóknir á áhrifum þeirra - María Hildur Maack, Íslensk NýOrka
• Undiráætlun um víxlverkanir milli loftslagsbreytinga og freðhvolfs jarðar - Kristján Kristjánsson, Háskólinn í Reykjavík
• Undiráætlun um föngun og geymslu CO2 - Ragnheiður Inga Þórarinsdóttir, Orkustofnun
• Undiráætlun um orkunýtni með örtækni - Edda Lilja Sveinsdóttir, REYST og Orkuveita Reykjavíkur
• Aðstoð og stuðningur við umsækjendur - Kjartan Due Nielsen, Impra á Nýsköpunarmiðstöð Íslands

Hægt er að hafa samband við fulltrúa í stýrihópum undiráætlanna  sem finna má hér. Auk þess býðst ráðgjöf og stuðningur við umsóknaskrif og myndun tengslaneta hjá Kjartani Due Nielsen á kjartan@nmi.is og í síma 522-9246