Valamed

Lyfjanæmispróf fyrir hnitmiðaðri lyfjameðferð

Markmið fyrirtækisins ValaMed er að gera lyfjameðferð við krabbameini hnitmiðaðri með því að framkvæma lyfjanæmispróf á lifandi krabbameinsvef sjúklings, þ.e. brottnumdum krabbameinsvef, á rannsóknarstofu ValaMed.
Lyfjanæmispróf felst í því að kanna áhrif mismunandi lyfja, lyfjablandna og styrks lyfja, eftir tillögum krabbameinslækna á lifandi krabbameinsfrumur á rannsóknarstofu við aðstæður sem líkja eftir aðstæðum í mannslíkamanum.
Lyfjanæmisprófið gefur vísbendingu um hvaða lyf virka best og hvaða lyf virka ekki, í samanburði, á krabbameinsfrumur viðkomandi sjúklings og þá einnig í mismunandi styrkleikum. Til þess að finna út hvað lyfjaútfærsla henti hverjum sjúklingi best er tekið mið af gefnum forsendum krabbameinslæknis.
Niðurstöður prófa gefa til kynna hvaða lyf eru líkleg til að gagnast viðkomandi sjúklingi, um 65% fylgni, og hvaða lyf eru líkleg til að gagnast alls ekki, um 95% fylgni.
Niðurstöður prófa eru ekki bindandi fyrir krabbameinslækna, heldur einungis viðbótar upplýsingar til að ákvarða bestu mögulegu lyfjameðferð hverju sinni.
Aðferðarfræðin er þekkt og hefur verið í örri þróun og vexti í mörgum nágrannalöndum okkar, en ValaMed er fyrsti aðilinn hérlendis til að bjóða upp á þessa þjónustu.
ValaMed ehf. var stofnað 2007