Eftirfarandi inntökuskilyrði og samningar gilda um frumkvöðlasetrin á Keldnaholti í Reykjavík, í Eldey á Keilissvæðinu og á Höfn í Hornafirði.  

Inntökuskilyrði

• Að fyrir liggi viðskiptaáætlun vegna reksturs eða stofnunar fyrirtækis.
• Að fyrir liggi starfsáætlun um starfsemi frumkvöðulsins meðan á verunni  í setrinu stendur og áætlaður útgöngutími.
• Að viðkomandi geti sýnt fram á greiðslu fyrir aðstöðuna.
• Að viðskiptahugmyndin hafi verulegt nýsköpunargildi og sé ekki í beinni samkeppni við innlenda framleiðslu eða þjónustu.
• Að til staðar sé geta og færni við að vinna að úrlausnum viðskiptahugmyndarinnar.
• Að rekstraraðili virði almennar umgengnisreglur Frumkvöðlasetursins og Iðntæknistofnunar.
• Að viðkomandi skrifi undir trúnaðarsamning gagnvart öðrum fyrirtækjum á setrinu og Iðntæknistofnun.

Samningar

Gengið er frá samningum, leigusamningi og þjónustusamningi, við þá sem uppfylla inntökuskilyrðin. Fyrir aðstöðu og þjónustu greiða frumkvöðlar sem hér segir:

• Ákveðið verð er fyrir hvern fermetra og er það lægst fyrsta árið en fer síðan hækkandi. Innifalið í gjaldinu er skrifstofuaðstaða, þjónusta móttöku, afnot af sameiginlegu rými, fundarherbergjum og sameiginlegri starfmannaaðstöðu Iðntæknistofnunar.
• Leigjendur greiða kostnað vegna eigin símanotkunar. Fax og ljósritun greiðist samkvæmt gjaldskrá hverju sinni.
• Leigjendur greiða fyrir aðstoð ritara.
• Fyrirtækin hafa aðgang að starfsmanni Frumkvöðlasetursins til leiðsagnar í ákveðinn tíma.

Frekari upplýsingar gefur Sigríður Ingvarsdóttir framkvæmdastjóri á netfanginu si@nmi.is 

Umsóknareyðublað. Umsóknir berist til Sigríðar Ingvarsdóttur, si@nmi.is.