ReMo ehf. er sprotafyrirtæki í heilbrigðistækni sem vinnur að þróun og sölu á öndunarhreyfingamæli

• Aðalmarkmið ReMo ehf. er þróun og sala öndunarhreyfingamælis sem greinir
  óeðlilegar öndunarhreyfingar.
• Tæki sem mælt geta öndunarhreyfingar eru fá og með takmarkaða notkunarmöguleika. Því er mikil þörf fyrir nýtt mælitæki.
• Notendur mælisins verða fyrst og fremst aðilar í heilbrigðisþjónustu, einkum
  sjúkrahús, endurhæfingarstöðvar og heilbrigðismenntastofnanir.
• Búið er að fá einkaleyfi á öndunarhreyfingamæli ReMo fyrir Bandaríkin og Evrópu.

• Tækið mælir allar fimm breytur öndunarmynsturs (feril, tegund, samhverfu, takt
  og tíðni) í sama andardrætti. Öndunarhreyfingamælirinn er eina tækið í heiminum
  sem það gerir.
• ReMo mælirinn gefur mikilvægar upplýsingar um breytingar á öndun vegna
  lungnasjúkdóma, eftir skurðaðgerðir á brjóstholi, svo sem hjartaaðgerðir, og við
  meðferð við hryggskekkju, gigt og fleiri kvillum.
• Greining frávika eykur möguleika á viðeigandi og árangursríkri meðferð sem
  styttir legutíma og dregur úr kostnaði heilbrigðiskerfisins.

• Öndunarhreyfingamælirinn er sprottinn úr rannsóknum og kennslu við Landspítala - Háskólasjúkrahús og Háskóla Íslands.
• Rannsóknir með tækinu fara fram á Landspítala - Háskólasjúkrahúsi í Reykjavík,
  Sahlgrenska U.H. Gautaborg, Boston University í Bandaríkjunum og Osaka
  í Japan.