Ertu með viðskiptahugmynd? Vantar þig aðstöðu? 

Nýsköpunarmiðstöð Íslands og Íslandsbanki opnuðu í janúar Kvosina, nýtt viðskiptasetur í húsnæði bankans í Lækjargötu.  Í Kvosinni fá einstaklingar og hópar aðstöðu til að vinna að viðskiptahugmyndum og stofna fyrirtæki undir faglegri umsjón sérfræðinga Impru á Nýsköpunarmiðstöð.

• Skrifstofuaðstaða gegn vægu gjaldi
• Fagleg ráðgjöf og stuðningur starfsmanna Nýsköpunarmiðstöðvar Íslands
• Skapandi umhverfi og öflugt tengslanet 

Umsókn um aðstöðu

Rafrænt umsóknareyðublað er að finna hér. Í umsókninni þarf að koma fram stutt lýsing á viðskiptahugmyndinni, framtíðarsýn og húsnæðisþörf, ásamt ferilskrá eða upplýsingum um umsækjendur.

Reynsla og þekking

Kvosin er reist á reynslu og þekkingu Impru á Nýsköpunarmiðstöð sem starfrækir fjögur önnur frumkvöðlasetur. Á Keldnaholti í Reykjavík eru tólf fyrirtæki, þar á meðal ORF Líftækni sem hlaut Nýsköpunarverðlaunin 2008. Á Torginu í Austurstræti eru 13 fyrirtæki, en það var opnað í samstarfi við Landsbankann í desember. Í Eldey á háskólasvæði Keilis eru átta fyrirtæki.  Einnig rekur Nýsköpunarmiðstöð frumkvöðlasetur á Höfn í Hornafirði og Eyrina á Ísafirði.

 

                                                              

 

Aðrir styrktaraðilar:

 

 

---