Námskeiðslýsing

Farið er yfir fyrstu skrefin þegar hugað er að útflutningi með sérstakri áherslu á vöruþróun. Einnig verða fengnar dæmisögur úr atvinnulífinu.

Í lok verkefnisins eiga þátttakendur að:

• þekkja til grundvallaratriða er varða leiðir til útflutnings og markaðssetningu erlendis
• vita hvar eigi að leita sér upplýsinga og aðstoðar varðandi útflutning
• hafa betri sýn á tækifæri til aukinna umsvifa og útrásar

Þátttökugjald er 35.000 kr. en innifalið í því eru fyrirlestrar, námsgögn, fæði á meðan fundum stendur ásamt gistingu á fyrsta vinnufundi.

Hverjum er námskeiðið ætlað?

Námskeiðið er fyrir konur sem hyggja á útrás fyrirtækja. Takmarkaður fjöldi þátttakenda.

Dagskrá

Verkefnið samanstendur af þremur vinnufundum ásamt heimavinnu á milli funda þar sem fyrstu drög eru lögð að útflutningsáætlun.

Skráning og frekari upplýsingar 

Námskeiðið er haldið í samstarfi við Íslandsstofu og er ætlað að styðja við fyrirtæki kvenna sem hyggja á útrás. Upplýsingar veitir Arna Lára Jónsdóttir verkefnisstjóri í síma 522-9461.  

Umsókn um Konur í útrásarhug