Viltu verða orkubóndi og framleiða þína eigin orku? Allir geta orðið orkubændur!

Orkubóndinn er námskeið fyrir áhugafólk um virkjun orku, einstaklinga, fyrirtæki, landeigendur, bændur og alla sem hafa áhuga á að beisla orkuna heima fyrir. Á námskeiðinu er fjallað á aðgengilegan hátt um leiðir til að virkja læki eða ár, jarðhita, vindorku, sólarorku eða jafnvel fjóshauginn.

Leiðbeinendur á námskeiðinu eru sérfræðingar frá stofnunum og verkfræðistofum víða af landinu ásamt heimamönnum. 

Námskeiðsgjald er 3.000 krónur.  Innifalið  í námskeiðsgjaldi eru léttar veitingar í hádegi og kaffi.

Orkubóndinn er samstarfsverkefni Nýsköpunarmiðstöðvar Íslands, Mannvits, Orkustofnunar, ÍSOR, Iðnaðarráðuneytisins, Verkís, atvinnuþróunarfélaga og sveitarfélaga víða um land.

Orkubóndinn í Reykjavík verður haldinn 11. og 12. maí á Hótel Sögu