Vefnám

Nýsköpunarmiðstöð Íslands býður upp á fjarnám á vefnum. Aðgangur að vefnáminu er öllum opinn með beinstreymismiðlun þannig að hver og einn getur farið í gegnum námsefnið á sínum forsendum. 

Að ýmsu þarf að huga þegar grunnur er lagður að rekstri fyrirtækja og eitt af því allra mikilvægasta eru þjónustugæði. Vefnám Impru í þjónustugæðum í ferðaþjónustu fjallar um grundvallaratriði þjónustugæða á hnitmiðaðan og aðgengilegan hátt. Um er að ræða tvær útgáfur af vefnáminu, annars vegar fyrir stofnendur eða framkvæmdastjóra fyrirtækjanna og hins vegar starfsmenn þeirra.

Rekstrarform fyrirtækja
Markmið vefnámsins er að gera þeim sem hafa áhuga á að stofna fyrirtæki kleift að nálgast á einum stað allar helstu upplýsingar og sjónarmið um rekstrarform fyrirtækja.