Hagnýtar aðferðir við verkefnastjórnun

Lykill að góðum árangri í umbótaverkefnum er kunnátta í stjórnun verkefna, allt frá því að hugmynd að verkefni vaknar og þar til það hefur verið farsællega til lykta leitt. Á þessu námskeiði er fjallað um grundvallaratriði verkefnastjórnunar og kenndar aðferðir sem koma að góðum notum, hvort heldur er innan fyrirtækja, stofnana eða hjá félagasamtökum.

Hverjum er námskeiðið ætlað?

Námskeiðið er ætlað starfsmönnum og stjórnendum sem þurfa að stjórna verkefnum en hafa ekki fagþekkingu á verkefnisstjórnun og þeim sem vilja rifja upp. Námskeiðið hentar sérstaklega vel þeim sem hafa það hlutverk að innleiða nýjungar innan fyrirtækja, stofnana eða félagasamtaka.

Markmið

Við námskeiðslok hafa þátttakendur m.a. öðlast:

• Grunnþekkingu á verkefnastjórnun
• Þekkingu á hagnýtum aðferðum við stjórnun verkefna
• Þekkingu á gerð framkvæmdaáætlana – verk-, tíma-, kostnaðar- og fjár-mögnunaráætlana
• Kunnáttu til að meta óvissuþætti verkefna
• Kunnáttu í þverfaglegu samstarfi

Helstu efnisþættir:

• Verkefnishugmyndir og mótun þeirra
• Að hefja verkefni
• Hópvinna – mat á hagsmunaaðilum og óvissu
• Gerð framkvæmdaáætlana
• Eftirfylgni og mat á árangri

Kennslufyrirkomulag

Fyrirlestrar og verkefni. Við höldum námskeiðið inni í fyrirtækjum sé þess óskað. Hafið samband við Brynju Sigurðardóttur í síma 522- 9000 eða brynjasig@nmi.is

Verð Kr. 24.000

Allar nánari upplýsingar gefur Brynja Sigurðardóttir í síma 522- 9000 eða brynjasig@nmi.is

Viltu skrá þig á þetta námskeið?

Næsta námskeið verður haldið á haustönn 2010.  Skráning hér