Impra á Nýsköpunarmiðstöð veitir frumkvöðlum endurgjaldslausa leiðsögn við þróun viðskipta- og vöruhugmynda, stofnun og rekstur fyrirtækis og gerð viðskiptaáætlana.

Hvað er handleiðsla?

Handleiðsla er þjónusta sem Impra á Nýsköpunarmiðstöð býður frumkvöðlum og litlum fyrirtækjum endurgjaldslaust. Í handleiðslu leiðbeina verkefnisstjórar Impru fólk við ýmis mál sem upp kunna að koma við frumkvöðlastarf og rekstur, t.d. gerð viðskiptaáætlana. Með handleiðslu eru þátttakendur studdir á faglegan hátt við undirbúning og mat á því hvort viðskiptahugmyndin sé líkleg til árangurs.

Handleiðsla getur falist í einu viðtali með starfsmanni Nýsköpunarmiðstöðvar eða staðið í lengri tíma.

Framkvæmd

Framkvæmd handleiðslu felst að verulegu leyti í eftirfarandi þáttum:

• Upplýsingagjöf varðandi þróun viðskiptahugmynda
• Leiðbeiningu við gerð viðskiptaáætlana
• Aðstoð við leit að samstarfsaðilum
• Leiðsögn við stofnun fyrirtækja
• Leiðsögn um vernd hugmynda
• Leiðbeiningum um undirbúning fyrir fjármögnun
• Aðstoð við að koma á sambandi við fjárfesta eða samstarfsaðila
• Leiðbeiningar og ábendingar varðandi styrkja- og lánsumsóknir.
• Aðstoð við annað sem fellur undir það að hrinda þróa viðskiptahugmynd eða koma henni í framkvæmd.

Nánari upplýsingar um handleiðslu veitir Jóhanna Ingvarsdóttir upplýsingafulltrúi á netfanginu  johanna@nmi.is og í síma 522-9267. Einnig getur þú nýtt þér gagnvirku handleiðsluna en þá fer handleiðslan fram á netinu.