Women Innovators for Europe standa fyrir ráðstefnu þann 17. apríl nk. þar sem áhersla verður lögð á myndun tengslanets milli kvenna í atvinnurekstri og tækni og vísindum. Færni í myndun tengslanets er grundvallaratriði í þróun og útvíkkun á atvinnurekstri og þessi ráðstefna er hugsuð sem vettvangur fyrir myndun nýrra tengsla.

 

Nú hefur framkvæmdarstjórn ESB tekið fyrsta skrefið að skipun stjórnar fyrir hina nýju Nýsköpunar- og tæknistofnun Evrópu. Markmiðið er að stofnunin hefji starfsemi sína síðar á þessu ári og að hún verði flaggskip fyrir nýsköpun og tækni í Evrópu.

Ari Þorsteinsson hefur hafið störf hjá Impru á Nýsköpunarmiðstöð Íslands á Höfn í Hornafirði. Ari er sjávarútvegsverkfræðingur og hefur langa reynslu af frumkvöðlastarfi og atvinnuuppbyggingu.

 

Við bjóðum Ara velkominn til starfa!

 

Evrópumiðstöð Impru á Nýsköpunarmiðstöð Íslands, Útflutningsráð og Rannís eru samstarfsaðilar að Enterprise Europe Network (EEN), sem hefur það að markmiði að aðstoða lítil og meðalstór fyrirtæki, rannsóknaraðila, opinberar stofnanir og háskóla við að efla samkeppnishæfni sína á alþjóðamarkaði.