Kvikan er frumkvöðlasetur sem opna mun þann 15. maí að Strandgötu 11 í Hafnarfirði. Kvikunni er ætlað að veita einstaklingum aðstöðu, tengslanet og stuðning til að stofna fyrirtæki undir faglegri handleiðslu sérfræðinga Impru á Nýsköpunarmiðstöð. Í Kvikunni geta 10 - 15 einstaklingar fengið aðstöðu til að vinna að viðskiptahugmyndum.  Hægt er að sækja um slíka aðstöðu á nmi.is.

Nýsköpunarmiðstöð Íslands, iðnaðarráðuneytið og Norræna nýsköpunarmiðstöðin (NICe) í samstarfi við Norrænu ráðherranefndina efna til ráðstefnu um ferðaþjónustu á Norðurlöndum 28. apríl næstkomandi í Edinborgarhúsinu á Ísafirði. Á ráðstefnunni verður meðal annars fjallað um mikilvægi nýsköpunar í ferðaþjónustu, uppbyggingu áfangastaða og viðbrögð ferðaþjónustunnar við efnahagsáföllum.

Ungir frumkvöðlar víðsvegar um Evrópu eiga þess kost að sækja um að komast í vinnu hjá sér „eldri" og reyndari frumkvöðlum.  Markmiðið með þessu er að kynna sér og læra, hvernig hinir reyndu frumkvöðlar hafa náð að stjórna fyrirtækjum sínum til árangurs.

Mosfellsbær, Impra á Nýsköpunarmiðstöð og forsvarsmenn tveggja nýsköpunarsetra í Mosfellsbæ undirrituðu 3. apríl samstarfssamning.

Höfuðborgarstofa stendur fyrir Hugmyndatorgi dagana 16. - 20. apríl og er markmið verkefnisins að kalla eftir hugmyndum til að skapa ný sóknarfæri í ferðaþjónustu í Reykjavík. Í kjölfarið verða þrjár innsendar tillögur styrktar.

Verkefnið Konur í útrásarhug fór af stað í annað sinn í síðustu viku með tíu þátttakendum. Fyrsti vinnufundurinn fór fram á Hótel Heklu. Verkefnið er samstarfsverkefni Útflutningsráðs og Impru á Nýsköpunarmiðstöð Íslands. Því er ætlað að styðja við konur sem eru að stíga sín fyrstu skref í útflutningi.