Á heitum sumardegi nú þegar sumarfrí fara að nálgast mættu þrjátíu manns á kynningarfund um Eurostars styrkáætlunina og Enterprise Europe Network sem Nýsköpunarmiðstöð Íslands og Samtök iðnaðarins buðu til morguninn 30. júní 2009. Sextán þeirra sem mættu voru frá fyrirtækjum.

Samfélagssjóður Alcoa í Bandaríkjunum, Alcoa Foundation, veitti í dag Háskólanum á Akureyri  52.500 dollara styrk til að hrinda úr vör nýsköpunarverkefni sem hefur hlotið heitið Norðursprotar.

Alcoa á Íslandi, Háskólinn á Akureyri og Impra á Nýsköpunarmiðstöð efndu síðla vetrar til samstarfs um þetta verkefni, sem er ætlað að styðja nýsköpunarhugmyndir einstaklinga í atvinnuleit á Norðausturlandi og geta leitt til frekari atvinnutækifæra í landshlutanum.

Nýsköpunarmiðstöð Íslands býður til opins kynningarfundar um Eurostars, nýjan möguleika á fjármögnun og kynnir í leiðinni þjónustu Enterprise Europe Network

Hlutverk safnasjóðs er að styrkja starf þeirra safna sem falla undir safnalög nr. 106/2001.  Safnaráð úthlutar úr sjóðnum samkvæmt safnalögum og úthlutunarreglum ráðsins.  Upphæð og fjöldi veittra styrkja fer eftir fjárveitingu á fjárlögum og umsóknum. 

Hópur á vegum Samtaka starfsmanna fjármálafyrirtækja sótti námskeiðið Virkjum hugmyndir til framkvæmda vikuna 8.-12. júní.

Fjallað var um Fab Lab smiðju Nýsköpunarmiðstöðvar Íslands í kvöldfréttum Sjónvarpsins laugardaginn 20. júní.

Ánægjulegt er að sjá þróunina í starfsemi frumkvöðlasetra sem Nýsköpunarmiðstöð Íslands tengist með einum eða öðrum hætti. Fyrir hrun bankakerfisins störfuðu samtals 35 manns hjá fyrirtækjum í tveimur frumkvöðlasetrum. Nú eru frumkvöðlasetrin orðin 8 og þar starfa 165 manns hjá 67 fyrirtækjum.

Fræðslufundur um uppbyggingu og árangur af frumkvöðlakennslu í skólum í Finnlandi verður haldinn á 6. hæð í Borgartúni 35, þriðjudaginn 16. júní kl. 09.00-10.30.

Jouko Havunen frá Háskólanum í Vaasa í Finnlandi segir frá árangri þessa verkefnis sem ráðist var í m.a. sem viðbrögð við efnahagskreppunni sem gekk yfir Finnland árið 1990.

Mörg frumkvöðlafyrirtæki vaxa og dafna í kringum útflutning og erlend samskipti og því er auðug flóra af litlum og meðalstórum fyrirtækjum m.a. grunnur af heilbrigðu efnahagskerfi hvers lands.

Mánudaginn 25.maí sl. luku átta konur verkefninu Konur í útrásarhug. Þetta er í annað skiptið sem verkefnið fer fram. en það er samstarfsverkefni Útflutningsráðs og Impru á Nýsköpunarmiðstöð Íslands. Verkefninu er ætlað að styðja við konur sem eru að stíga sín fyrstu skref í útflutningi.

Hópur fólks á Austurlandi hefur á undanförnum mánuðum tekið þátt í verkefninu Vaxtarsprotum. Þátttakendur vinna allir að ákveðnum viðfangsefnum sem lúta að atvinnusköpun í heimabyggð. Um er að ræða fjölbreytt viðfangsefni m.a. á sviði iðnaðar og ferðaþjónustu.

 

Nemendum í Framhaldsskóla Austur-Skaftafellssýslu ásamt fleirum stóð til boða að taka þátt í námskeiðinu Sóknarbraut sem framhaldsskólinn ásamt Nýsköpunarmiðstöð Íslands og Þekkingarneti Austurlands stóð fyrir nú á vorönn.  Námskeiðinu lauk með kynningu þátttakenda á verkefnum sínum og hugmyndum

Krásir - Matur úr héraði (Beint frá býli, beint úr sjó) er fræðslu og þróunarverkefni í heimavinnslu matvæla  sem Impra á Nýsköpunarmiðstöð Íslands og Ferðamálastofa efna til með styrk frá Iðnaðarráðuneytinu. 

Verkefnisstyrkjum var úthlutað fyrr á árinu og dagana 8. og 9. júní  var haldið námskeið á Hólum í Hjaltadal þar sem þátttakendur í verkefninu fengu fræðslu  um hugmyndavinnu, þróun, vinnslu og meðferð matvæla. 

Þann 29. maí sl. luku 11 konur námskeiðinu Brautargengi á Akureyri og var útskriftin haldin á veitingastaðnum Friðriki V.  Þessar konur hafa undanfarnar 15 vikur unnið að fjölbreyttum viðskiptahugmyndum og má þar helst nefna ferðaþjónustu, hönnun og þjónustufyrirtæki sem m.a. sérhæfa sig í viðburðastjórnun og upplýsingamiðlun.

Berglind Hallgrímsdóttir framkvæmdastjóri Impru á Nýsköpunarmiðstöð Íslands ávarpaði samkomuna sem og Arnrún Magnúsdóttir, framkvæmdarstjóri veitingastaðarins Friðriks V,  og Margrét Blöndal frá Félagi Kvenna í atvinnurekstri.