Orkubóndinn í Eyjum

Áhugamenn um virkjun orku, hvort sem um er að ræða virkjun bæjarlækjar, hitareits, vindgnauðs, sólar eða jafnvel fjóshaugs, geta sótt námskeiðið Orkubóndann sem Nýsköpunarmiðstöð Íslands stendur fyrir í Eyjum þann 23. mars n.k.

Á námskeiðinu í Eyjum verður sérstök áhersla lögð á virkjun með varmadælum, vindmyllum og einnig með öldum og sjávarföllum.

Sauðarkrókur mun senn bætast í hóp um 40 staða víðs vegar um heiminn þar sem starfræktar eru svokallaðar Fab Lab smiðjur með tækjum og tólum til að búa til nánast hvað sem er. Undirritaður var samstarfssamningur um rekstur Fab Lab smiðju á Sauðárkróki 24. febrúar, en það eru Nýsköpunarmiðstöð Íslands, Fjölbrautaskóli Norðurlands vestra, Hátæknisetur Íslands ses. og Sveitarfélagið Skagafjörður sem taka þátt í verkefninu.

Impra á Nýsköpunarmiðstöð og Ferðamálastofa óska eftir umsóknum um þátttöku í verkefninu Krásir sem er fræðslu og þróunarverkefni í svæðisbundinni matargerð. Í verkefnin verður boðið upp á fræðslu auk faglegs og fjárhagslegs stuðnings við þróun og sölu matvæla.  Umsóknarfrestur er til 18. mars 2010.

Steinsteypudagurinn 2010 var haldinn föstudaginn 19. febrúar á Grand Hótel og að þessu sinni voru tveir starfsmenn Nýsköpunarmiðstöðvar með erindi.

Nýsköpunarmiðstöð Íslands og Íslandsbanki opnuðu í janúar 2009 Kvosina, nýtt viðskiptasetur í húsnæði bankans í Lækjargötu. Í Kvosinni fá einstaklingar og hópar aðstöðu til að vinna að viðskiptahugmyndum og stofna fyrirtæki undir faglegri umsjón sérfræðinga Impru á Nýsköpunarmiðstöð.

Fjallað var um Fab Lab smiðju Nýsköpunarmiðstöðvar Íslands í Vestmannaeyjum á Rás 1 18. febrúar. Smiðjan fær í hverjum mánuði allt að 300 heimsóknir gesta á öllum aldri sem vilja nýta sér stafræna tækni til að búa til allt milli himins og jarðar. 

Laugardaginn 20.febrúar sl. var haldið vel heppnað málþing undir fyrirsögninni stefnumót við vestfirskar athafnakonur. Húsfyllir var á málþinginu og góður rómur var gerður af fyrirlesurum. Guðjón Már Guðjónsson einn af forsvarsmönnum Hugmyndaráðuneytisins og stofnandi OZ fjallaði um fjármögnun nýsköpunarfyrirtækja og hvatti fundarkonur til að hugsa stórt og hrinda hugmyndum sínum í framkvæmd. Marín Magnúsdóttir framkvæmdastjóri viðburðafyrirtækisins Practical sagði frá uppbyggingu síns fyrirtækis. Marín er uppalin Hólmavík og hefur alltaf haft þörf fyrir að starfa sjálfstætt og lét þann draum verða að veruleika árið 2004. Sólrún Sverrisdóttir og Svanhildur Sigurðardóttir kynntu viðskiptahugmyndina sína sem orðin er að fyrirtæki um þaraböð á Reykhólum. Þóranna Jónsdóttir frá Auði Capital hélt einnig tölu um mikilvægi kvennafyrirtækja fyrir atvinnulífið.

Röng starfsauglýsing birtist í Fréttablaðinu laugardaginn 20. febrúar. Auglýsa átti starf verkefnisstjóra á Höfn í Hornafirði og skal umsóknum skilað fyrir 15. mars næstkomandi.

Brautargengi í Reykjavík hefst 3. mars. Umsóknarfrestur er til 24. febrúar.  Kennt verður á miðvikudögum frá klukkan 12:30 til 17:00 og námskeiðsgjaldið er 50.000 krónur.

Brautargengi er námskeið fyrir konur sem vilja hrinda viðskiptahugmynd í framkvæmd og hefja eigin rekstur og/eða fyrir konur sem eru í atvinnurekstri en vilja auka rekstrarþekkingu sína. 

Nú er unnið á fullu í undirbúningi á nýjum Fab Lab smiðjum á Sauðarkróki og á Akranesi.