Nýsköpunarmiðstöð Íslands býður á opið námskeið um viðhald og verðmæti fasteigna 8. september frá kl. 14:00 - 18:00 í menningarhúsinu Hofi á Akureyri. Námskeiðið er samstarfsverkefni Nýsköpunarmiðstöðvar og Íbúðalánasjóðs við fagfólk og sérfræðinga frá verkfræðistofum, Orkusetrinu, Rafiðnaðarskólanum, Húsi og heilsu, Iðunni - fræðslusetri og heimamenn í hverjum landshluta fyrir sig.

Á námskeiðinu er fjallað um mikilvæga viðhaldsþætti svo sem raflagnir, leka, loftgæði, húsasótt, hitastýringu, orkunotkun og mat á viðhaldsþörf. Þátttakendur geta valið um og flakkað á milli fjögurra málstofa sem allar tengjast viðhaldi og vörslu þeirra verðmæta sem felast í húseignum. Þátttökugjald er ekkert og allir velkomnir.

Dagskrá námskeiðs er eftirfarandi:

Kl. 14: 00 Katrín Júlíusdóttir, iðnaðarráðherra býður gesti velkomna ásamt forstjóra Nýsköpunarmiðstöðvar og stjórnarformanni Íbúðalánasjóðs.

Kl. 16:30 Erindi um framkvæmdir, lán, endurgreiðslur og skattamál
Kl. 16:45 TENGSLATORG - myndun tengsla við meistara og sérfræðinga
Kl. 18:00 Námskeiðslok

Í lok námskeiðs kl. 16:45 verður slegið upp tengslatorgi þar sem þátttakendum gefst tækifæri til að fá svör og ráðgjöf hjá sérfræðingum. Á torginu í Hofi munu fjölmargir iðnmeistarar, verkfræðistofur, bankar og þjónustuaðilar í byggingariðnaði veita upplýsingar ogfræðslu um allt sem lýtur að viðhaldi, endurbótum á húsnæði og að auknum lífsgæðum á heimilum og vinnustað. Fulltrúar fyrirtækja sem hafa áhuga á að taka þátt í tengslatorginu eru hvattir til að hafa samband við Sigurð Steingrímsson á netfangið sigurdurs@nmi.is eða í síma 522 9435.

Skráning á námskeið á Akureyri 

Upplýsingar og útgáfa um viðhald bygginga og mannvirkja