Evrópumiðstöð Impru á Nýsköpunarmiðstöð Íslands aðstoðar íslensk fyrirtæki við að finna samstarfsaðila í Evrópu í gegnum IRC tengslanetið, Innovation Relay Centre. Starfsemi þess miðar að því að leiða saman tækni, þekkingu og fólk og stuðla þannig að nýsköpun í Evrópu og styrkja stoðir samkeppnishæfni álfunnar. Um áramótin sameinaðist starfsemi IRC og Euro Info Centre skrifstofunnar hjá Útflutningsráði. Að auki mun hluti af starfsemi Rannís tengjast þessum breytingum. Nýja tengslanetið ber heitið Enterprise Europe Network (EEN) og mun Evrópumiðstöð Impru leiða þessa starfsemi á Íslandi. Markmiðin eru áfram þau sömu, þ.e.a.s. að stuðla að nýsköpun, tækniyfirfærslu og að styrkja samkeppnishæfni.

Viðskiptamannahópur Evrópumiðstöðvar eru aðallega lítil og meðalstór fyrirtæki en einnig tæknisetur, stór fyrirtæki, rannsóknastofnanir og háskólar.

Viltu finna samstarfsaðila? Koma þinni tækni eða nýjung á framfæri? Athuga möguleika á styrkjum vegna sjöundu rammaáætlun Evrópusambandsins? - Evrópumiðstöð Impru á Nýsköpunarmiðstöð Íslands getur aðstoðað við allt þetta. Hafið samband og leitið nánari upplýsinga hjá anna@nmi.is, amanda@nmi.is og kristinh@nmi.is.