Impra á Nýsköpunarmiðstöð fer um víðan völl næstu mánuðina því á döfinni eru ýmis námskeið í höfuðborginni og á landsbyggðinni, þar á meðal hin sívinsælu Brautargengisnámskeið sem hefjast í Reykjavík 6. febrúar og á Akureyri, Ísafirði og Hellu 16. febrúar.

Verkefnið Vaxtarsprotar fer af stað 28. janúar í Þingeyjarsýslum en það er samstarfsverkefni Framleiðnisjóðar landbúnaðarins og Nýsköpunarmiðstöðvar Íslands og hefur það að markmiði að hvetja til fjölbreyttari atvinnusköpunar í sveitum landsins.

Skráning er einnig hafin í stjórnunarnám fyrir verkstjórnendur í fyrirtækjum sem hefst 11. febrúar. Verkstjórnunarnámskeiðið er starfsnám fyrir starfandi og verðandi verkstjórnendur þar sem valinkunnir leiðbeinendur með reynslu úr atvinnulífinu miðla þekkingu sinni.

Nánar um námskeiðin