Verkefnið er opið öllum íbúum í sveit, óháð eðli viðskiptahugmynda, atvinnugreinum, eða reynslu þátttakenda á sviði atvinnurekstrar. Íbúar í þéttbýli geta einnig tekið þátt, en ábúendur á lögbýlum hafa forgang. Þátttakendur vinna með eigin viðskiptahugmyndir. Fulltrúum starfandi fyrirtækja er einnig velkomið að taka þátt með það að markmiði að vinna að frekari framþróun eða mótun nýjunga í rekstri sínum. Þátttaka í Vaxtarsprotum er án endurgjalds.

Kynningarfundir vegna Vaxtarsprota í Eyjafirði verða haldnir mánudaginn 1. febrúar.  Fyrri fundurinn verður að Rimum í Svarfaðardal kl. 10:00 og seinni fundurinn í Sveinbjarnargerði kl. 16:00.

Á fundunum munu áhugaverðir fyrirlesarar fjalla um atvinnusköpun og segja frá reynslu sinni.  Fyrirlesarar verða Þorsteinn Ingi Sigfússon, forstjóri Nýsköpunarmiðstöðvar Íslands, Óöf Hallgrímsdóttir ferðaþjónustubóndi í Vogum í Mývatnssveit og Jón G. Guðbjörnsson framkvæmdastjóri Framleiðnisjóðs landbúnaðarins.