Alþjóða efnahagsráðið
Nýsköpunarmiðstöð Íslands er samstarfsaðili Alþjóðaefnahagsráðsins og framkvæmdaraðili rannsókna á Íslandi sem snúa að öflun opinberra upplýsinga og könnunum sem framkvæmdar eru á meðal stjórnenda í atvinnulífinu.
Alþjóða efnahagsráðið er sjálfstæð, alþjóðleg stofnun sem hefur það að markmiði að stuðla að bættu efnahagsástandi í heiminum meðal annars með því að afla mikilvægra upplýsinga frá atvinnulífinu, stjórnvöldum, menntastofnunum, öðrum stjórnendum og hagsmunaðilum. Tilgangurinn er að veita yfirsýn yfir samkeppnisstöðu 132 ríkja á fjölbreyttum sviðum.
Nánari upplýsingar um Alþjóðaefnahagsráðið er að finna hér
JafnréttismálAlþjóðaefnahagsráðið gefur reglulega út skýrslur um stöðu jafnréttismála Framþróun er almennt hæg á sviði jafnréttismála á alþjóðavísu en hingað til hafa Norðurlöndin séð um aðverma efstu sætin. Mörg ríki eiga verulega langt í land við að brúa bilið í jafnrétti kynjanna þrátt fyrir að efstu ríkin æa listanum hafi náð góðum árangri við að brúa umrætt bil. Nýsköpunarmiðstöð Íslands er samstarfsaðili ráðsins hér á landi við gerð skýrslunnar. jákvæðar umbætur á þessu sviði eru mjög mikilvægar fyrir samkeppnishæfni ríkja.
Ísland vermir enn 1. sætið í mælingum Alþjóðaefnahagsráðsins á stöðu jafnréttismála meðal 132 þjóðríkja. Norðurlöndin eru í fyrstu fjórum sætunum, Ísland í því efsta, Finnland í öðru, Noregur í þriðja og Svíþjóð í fjórða. Í fimmta sæti er síðan Írland, þar næst Nýja Sjáland og í sjötta sæti er Danmörk. Í skýrslunni kemur fram að mörg ríki eiga verulega langt í land við að brúa bilið í jafnrétti kynjanna. Á meðan efstu ríkin á listanum hafa náð um 80% árangri við að brúa umrætt bil ná mörg ríki ekki nema 50% árangri eða minni. Ráðið leggur áherslu á að jákvæðar umbætur á þessu sviði séu mjög mikilvægar fyrir samkeppnishæfni ríkja.
SamkeppnishæfniVísitala Alþjóðaefnahagsráðsins um samkeppnishæfni er einn virtasti mælikvarði á efnahagslíf þjóða víða um heim. Vísitalan er víðtæk og endurspeglar þá þætti sem segja til um framleiðni þjóða og vaxtarmöguleika. Samkeppnishæfnivísitalan byggir á opinberum upplýsingum og könnun sem framkvæmd er meðal stjórnenda í atvinnulífinu. Nýsköpunarmiðstöð Íslands er samstarfsaðili Alþjóðaefnahagsráðsins og framkvæmdaraðili rannsóknar á Íslandi. Rannsóknin er framkvæmd á tímabilinu febrúar – maí ár hvert og liggja niðurstöður rannsóknar fyrir í byrjun september sama ár.
Hér er að finna afrit af skýrslum og niðurstöðum rannsókna síðustu árin:
