Rannsóknir á sviði steinsteypu er stór þáttur í starfsemi Nýsköpunarmiðstöðvar Íslands.

ICI Rheocenter er öndvegissetur Nýsköpunarmiðstöðvar í sementsbundnum efnum. Setrið sérhæfir sig í flotfræði sementsbundinna efna og býr yfir sérfræðiþekkingu og tækjabúnaði á þessu sviði sem fáir aðrir geta státað sig af.

Starfsemi steinsteypudeildar má skipta í eftirtalda meginþætti: rannsókna- og þróunarverkefni, prófanaþjónustu, ráðgjöf varðandi endingu, viðhald og viðgerðir og gæðaeftirlit. Rannsókna- og þróunarstarfið er kostað af rannsóknasjóðum og viðskiptavinum. Vinna Nýsköpunarmiðstöðvar Íslands er oft mótframlag við aðra fjármögnun á sviði rannsókna og þróunar.

Meðal rannsóknarverkefna má nefna:

• Ending og gæði steypu (t.d. alkalivirkni, veðrunarþol, kolsýring, frostþol, slitsteypu, hástyrkleikasteypu, umhverfisvæna steypu, sementsrannsóknir o.fl.)
• Nýsköpun (t.d. sjálfútleggjandi steinsteypa, íblöndunarefni, þróun á mælitækjum fyrir rannsóknastofur, steypu-, sements-, og íblöndunarefnaframleiðendur).

Steinsteypudeildin er í samstarfi við helstu framleiðendur steinsteypu, sements, íblöndunar- og fylliefna í heiminum,

Forstöðumaður er Ólafur Wallevik, sem er jafnframt forstöðumaður grunnrannsókna á Nýsköpunarmiðstöð Íslands.