Nýsköpunarmiðstöð Íslands (NMÍ) vottar byggingarvörur eða veitir umsögn um þær, skv. ákvæðum í lögum og reglugerðum, sé eftir slíku leitað. Í ákvæðunum kemur fram að byggingarvörur skuli hafa vottun eða umsögn um að þær uppfylli kröfur byggingarreglugerðar, standist staðla og falli að verklagi og séríslenskum aðstæðum, og er slíkt forsenda fyrir markaðssetningu. Húseiningar flokkast sem byggingarvörur og sérhvert einingahús skal bera vottun.

Sé ÍST EN-staðall það sem nefnt er "samhæfður" fyrir byggingarvöru skal varan bera CE-merki, en slíkt merki tryggir þó ekki að séríslenskum reglugerðarákvæðum sé fullnægt.

Útgáfa vottorðs er almennt háð því að NMÍ hafi með höndum gerðarprófun eða gerðarskoðun sem og samfellt eftirlit með framleiðslu vörunnar, en öðrum kosti er aðeins gefin út umsögn.

Vottunarstjóri er Rögnvaldur S. Gíslason.

Umsóknir

Þeir sem óska eftir vottun eða umsögn skulu sækja um slíkt á sérstöku eyðublaði, sem opna má hér að neðan, fylla út og skila rafrænt (sjá nánar undir "Rafræn skjalaskil" hér að neðan).

• Almennar upplýsingar
• Einingahús og húseiningar: leiðbeiningar fyrir umsókn um umsögn
• Umsóknareyðublað: vottun eða umsögn

Leiðbeiningar um notkun umsóknareyðublaðsins eru að finna á Ísland.is