Nýsköpunarstyrkur

Nýsköpunarstyrkur er átaksverkefni með það markmið að auðvelda fyrirtækjum að ráða háskóla-, tækni eða iðnmenntað fólk í atvinnuleit. Verkefnið er samstarfsverkefni Vinnumálastofnunar og Nýsköpunarmiðstöðvar Íslands. Þátttaka í verkefninu er opin fyrirtækjum og einstaklingum með rekstur á öllu landinu.

Upplýsingar

Markmið

Nýsköpunarstyrkur felur í sér þríhliða samning milli Vinnumálastofnunar, fyrirtækis og atvinnuleitanda um ráðningu í starf sem snýr að nýsköpun og þróun. Fyrirtæki skuldbindur sig til að ráða atvinnuleitanda sem sé í virkri atvinnuleit og á skrá hjá Vinnumálastofnun í allt að sex mánuði og greiðir laun samkvæmt gildandi kjarasamningi. Vinnumálastofnun greiðir styrk sem nemur upphæð grunnatvinnuleysisbóta í hlutfalli við starfshlutfall viðkomandi atvinnuleitenda auk 11,5% mótframlags í lífeyrissjóð.

 

Markmiðið með nýsköpunarstyrk er að:

Að styðja við nýsköpun og þróun í fyrirtækjum.
Að koma á tengslum milli atvinnuleitenda og fyrirtækja.
Að styðja við frumkvöðla með hugmyndir um nýsköpun.
Að styðja við atvinnuleitendur og auðvelda þeim leit að störfum.

Skilyrði

Skilyrði fyrir nýsköpunarstyrk er að:

  • Um starfandi fyrirtæki sé að ræða og að velta síðasta árs sé fimm milljónir eða meira. Rannsóknarstyrkir, hlutafé, hlutafjárloforð og verksamningar geta verið jafngildir veltu.
  • Eitt eða fleiri stöðugildi séu nú þegar í fyrirtæki.
  • Veruleg nýsköpun / þróun sé í því verkefni sem atvinnuleitandi er ráðinn til.
  • Atvinnuleitandi sé í virkri atvinnuleit og á skrá hjá Vinnumálastofnun.
  • Ráðning atvinnuleitanda feli í sér fjölgun starfsmanna hjá fyrirtækinu.
  • Verkefni raski ekki samkeppni innanlands í viðkomandi starfsgrein.

 

Framkvæmd

Atvinnurekandi sækir um nýsköpunarstyrk á vef Nýsköpunarmiðstöðvar 

 

  • Verkefnisstjóri á Nýsköpunarmiðstöð fer yfir umsóknir og matshópur metur hvort viðkomandi umsókn uppfylli þær kröfur sem gerðar eru. Verkefnisstjóri sendir rafrænt svar til umsækjanda þar sem fram kemur hvort verkefnið geti haldið áfram í ferlinu. Vinnumálastofnun fær afrit af svarinu.
  • Ef svarið um þáttöku í nýsköpunarstyrk er jákvætt hefur atvinnurekandi samband við Vinnumálastofnun og skráir starfið sem samþykkt var rafrænt, sjá nánari leiðbeiningar hér að neðan.

 

  • Vinnumálastofnun aðstoðar við leit að starfsmanni sem hefur þá menntun, reynslu eða hæfni sem leitað er eftir. Hægt er að ráða með nýsköpunarstyrk hvern þann sem er í virkri atvinnuleit og á skrá hjá Vinnumálastofnun.
  • Atvinnuleitandi hefur ekki störf fyrr en búið er að ganga frá þríhliða samningi um nýsköpunarstyrk við atvinnuráðgjafa Vinnumálastofnunar.
  • Skila þarf inn afriti af undirrituðum ráðningarsamningi milli atvinnurekanda og starfsmanns sem uppfyllir ákvæði viðeigandi kjarasamninga.
  • Hámarkslengd samnings er 6 mánuðir. Að 5 mánuðum liðnum getur fyrirtækið sótt um framlengingu til 6 mánaða í viðbót.

 

 

  • Samningur og greiðslur vegna hans falla úr gildi ef viðkomandi atvinnuleitandi hættir störfum hjá atvinnurekanda af einhverjum orsökum á gildistíma samningsins.
  • Tímabil ráðningar með styrk hjá atvinnuleitanda telst ekki til ávinnslutímabils.
  • Atvinnuleitandi er afskráður af atvinnuleysisskrá á meðan á ráðningartímabili stendur.
  • Þegar verkefninu lýkur (eftir sex eða tólf mánuði) skilar atvinnurekandi lokaskýrslu um verkefnið, þar sem fram kemur hvort og þá hvernig markmið náðust og hvort viðkomandi starfsmaður hafi verið ráðinn ótímabundið. Form að lokaskýrslu má finna hér að ofan. (Sama form og fyrir áfangaskýrslu.)

Greiðslur

Greiðsla til fyrirtækis nemur fullum grunn atvinnuleysisbótum. Reikningar geta verið innheimtir mánaðarlega eða í lok samningstímabils.
Skilyrði fyrir greiðslu frá VMST er að reikningur berist frá atvinnurekanda númeraður úr bókhaldi fyrirtækisins / stofnunarinnar og sé án VSK.

 

Atvinnurekandi sendir reikning til Atvinnuleysistryggingasjóðs:

Atvinnuleysistryggingasjóður
(kt. 430169-3949)
Kringlan 1
150 Reykjavík

 

Eða á netfangið:
jongeir.hlinason@vmst.is

 

Reikningur skal vera í samræmi við efni samningsins.

 

Á reikningnum skal koma fram:

a. Nafn atvinnuleitanda.

b. Tímabil samnings.

c. Kjarasamningur sá sem laun eru tekin eftir eða miðuð við.

 

Afrit launaseðils skal fylgja reikningi og staðfesting úr banka um að laun hafi verið greidd inn á reikning starfsmanns.

 

 


Sigurður Steingrímsson
Sigurður Steingrímsson
Verkefnastjóri