Kynningarfundur í kvöld, stafrænt gagnaþon
06. ágúst 2020
Gagnaþon fyrir umhverfið er nýsköpunarkeppni opin öllum og fer fram stafrænt 12.-19. ágúst. Þátttakendur þróa lausnir byggðar á opinberum gögnum umhverfinu til góða. Þátttakendur vinna saman í 2-5 manna teymum yfir heila viku með stuðningi leiðbeinanda. Hægt er að keppa í þremur flokkum og veitt verða verðlaun í hverjum flokki:
-
Besta gagnaverkefnið - 750.000 kr.
-
Endurbætt lausn - 450.000 kr.
-
Besta hugmyndin - 200.000 kr.
Fyrir áhugasama fer fram kynningarviðburður á Zoom, fimmtudaginn 6.ágúst þar sem áhugasamir geta fræðst um fyrirkomulag keppninnar og tekið þátt í Kahoot. Kynningarfundurinn hefst klukkan 19.30 í beinni á Facebooksíðu gagnaþonsins.
Keppnin hefst með setningarathöfn 12.ágúst í beinni útsendingu frá facebook síðu gagnaþonsins en Guðmundur Ingi umhverfisráðherra mun flytja opnunarávarp.
Úrslit verða kunngjörð miðvikudaginn 26.ágúst í beinni útsendingu þar sem rektorar Háskólans í Reykjavík og Háskóla Íslands ásamt öðrum samstarfsaðilum tilkynna hvaða lið hafa borið sigur úr býtum í hverjum flokki.
Fjármála- og efnahagsráðuneytið og Nýsköpunarmiðstöð Íslands eru framkvæmdaraðilar verkefnisins ásamt öðrum opinberum stofnunum sem leggja fram gangasett. Aðrir samstarfsaðilar eru HÍ, HR, HA, Félagsvísindasvið HÍ, Forsætisráðuneytið, Atvinnuvega- og nýsköpunarráðuneytið og Umhverfis- og auðlindaráðuneytið.
Hægt er að nálagst nánari upplýsingar um keppnina og skrá sig á vefsíðunni hakkathon.island.is
--
Frekari upplýsingar veita Kristjana Björk Barðdal & Hulda Birna Baldursdóttir verkefnastjórar hjá Nýsköpunarmiðstöð Íslands. Sími 858-7862, 660-1973 kristjana@nmi.is & hulda@nmi.is
