Nýsköpunarútboð

Samstarfsverkefni um nýsköpunarútboð á milli Nýsköpunarmiðstöðvar Íslands, Ríkiskaupa og  fjármála-og efnahagsráðuneytis, var kynnt á innkaupadegi Ríkiskaupa þann 21. mars sl.

Verkefnið miðar að því að stuðla enn frekar að nýsköpun í opinberum útboðum, en með því má auka gæði í opinberum innkaupum auk þess að styðja enn betur við lítil og meðalstór sprotafyrirtæki.

 

Nýsköpunarmót

 

Í haust er stefnt að því að halda svokallað nýsköpunarmót opinberra aðila og atvinnulífsins. Þar munu nýsköpunarfyrirtæki fá tækifæri til að stofna til samstarfs um að taka þátt saman í opinberum útboðum. Í aðdraganda nýsköpunarstefnumóts gefst fyrirtækjum kostur á að skrá sig til leiks í sérstaka vefgátt og á sama hátt geta opinberir aðilar sett inn útboðstillögur. Í framhaldinu verður haldið fyrirtækjastefnumót þar sem fyrirtæki geta hitt hvert annað með það fyrir augum að standa sterkari að vígi í opinberum útboðum og eiga jafnvel með sér samstarf um að bjóða í verkefni. Opinberum aðilum og fyrritækjum gefst jafnframt kostur á tengjast og ræða mögulegt samstarf.
Nýsköpunarmiðstöð Íslands mun kynna samstarfsverkefnið um nýsköpunarútboð nánar fyrir nýsköpunarfyrirtækjum og stofnunum, auk þess að sjá um framkvæmd þess þegar að því kemur.


Hildur Sif Arnardóttir
Hildur Sif Arnardóttir
Verkefnastjóri
Hannes Ottósson
Hannes Ottósson
Verkefnastjóri