Stafrænt gagnaþon fyrir umhverfið 12. - 19. ágúst.
03. ágúst 2020
Stafrænt gagnaþon fyrir umhverfið er nýsköpunarkeppni opin öllum. Tilgangur þess er að auka hagnýtingu og sýnileika opinna gagna í samræmi við Nýsköpunarstefnu fyrir Ísland.
Þátttakendum býðst að vinna úr gögnum hinna ýmsu stofnana með lausnir fyrir umhverfið að leiðarljósi.
Ýta undir nýsköpun, aukinn sýnileiki gagna, lausnir fyrir umhverfið og efla tengslanet þátttakenda.
Veitt verða verðlaun í eftirfarandi þremur flokkum:
Besta gagnaverkefnið - 750.000 kr
Í þessum flokki er búist við fullkláraðri lausn í þeim skilningi að skýr tenging sé við eitt eða fleiri af þeim gagnasettum sem lögð eru fram, ásamt því að kóða fyrir lausnina sé skilað inn. Skilyrði er að nota a.m.k. eitt gagnasett af þeim sem lögð eru fram í Gagnaþoninu, en vinningslíkur aukast ef fleiri en eitt gagnasett eru notuð.
Skilyrði
Bein tenging við þau gagnasett sem lögð eru fram á vefsíðu gagnaþonsins
Kóða skilað
Teymið sem er með bestu hugmyndina í þessum flokki fær 750.000 kr.
Í þessum flokki er búist við drögum að endurbætingu eða einskonar viðbót á lausn sem nú þegar fyrirfinnst. Búist er við skýrri tengingu við eitt eða fleiri af þeim gagnasettum sem lögð eru fram, ásamt því að kóða fyrir lausnina sé skilað inn. Skilyrði er að nota a.m.k. eitt gagnasett af þeim sem lögð eru fram í gagnaþoninu, en vinningslíkur aukast ef fleiri en eitt gagnasett eru notuð.
Skilyrði
Bein tenging við þau gagnasett sem lögð eru fram
Endurbæting á lausn sem er nú þegar til
Kóða skilað
Teymið sem er með bestu hugmyndina í þessum flokki fær 450.000 kr.
Í þessum flokki er skilyrði er að lausnin notist við a.m.k. eitt gagnasett eða fleiri af þeim gagnasettum sem lögð eru fram á gagnaþoninu en vinningslíkur aukast ef fleiri en eitt gagnasett eru notuð. Lausnin má byggja á lausn/hugmynd sem nú þegar er til eða er í notkun eða vera glæný. Engin krafa er um að kóða tenging sé við gögn og eru því ekki bein skilyrði eins og í öðrum flokkum gagnaþonsins.
Teymið sem er með bestu hugmyndina í þessum flokki fær 200.000 kr.
Almenn matsatriði dómnefndar:
-
Nýnæmi
-
Notagildi/fýsileiki
-
Umhverfi
-
Er lausnin nýstárleg / frumleg?
-
Hvað með notagildi / hagkvæmni lausnarinnar?
-
Mun lausnin gagnast umhverfinu?
-
Býr það til verðmæti til framtíðar?
-
Verður hugmyndin þróuð út fyrir Gagnaþonið?
Verkefnastjórar Nýsköpunarmiðstöðvar Íslands sjá um framkvæmd á Gagnaþoninu ásamt sérfræðingi Fjármálaráðuneytisins.
Gagnaþonið fer fram dagana 12. - 19. ágúst, dómarastörf fara fram vikuna þar á eftir og úrslit gagnaþonsins verða kunngjörð þann 26. ágúst.
