Tækniframfarir nýtast menntakerfinu
19. ágúst 2019
Sævar Kristinsson frá KPMG, Eyjólfur Eyjólfsson frá Nýsköpunarmiðstöð Íslands , Tryggvi Thayer frá Menntavísindasviði Háskóla Íslands og Karl Friðriksson frá Nýsköpunarmiðstöð og jafnframt stjórnarformaður Framtíðarseturs Íslands ásamt mennta- og menningarmálaráðherra.
Viðhorf skólafólks til nýjunga á menntasviði og hvaða þættir eru mikilvægastir fyrir framvindu náms og þekkingaruppbyggingu hér á landi eru kortlögð í könnun sem gerð var að frumkvæði Framtíðarseturs Íslands. Könnunin var gerð meðal kennara, skólastjórnenda á grunn- og framhaldsskólastigi og sveitastjórnarfólks og unnin í samvinnu Menntavísindasviðs Háskóla Íslands, Nýsköpunarmiðstöð Íslands og KPMG. Lilja Alfreðsdóttir mennta- og menningarmálaráðherra fékk kynningu á niðurstöðum könnunarinnar frá forsvarsmönnum hennar:
„Þetta er fróðleg samantekt sem staðfestir margt sem við erum þegar farin að huga að, til dæmis í samhengi við betra samspil menntakerfisins og atvinnulífsins. Menntakerfið er hreyfiafl og þegar horft er til áhrifamestu breytingaaflann að mati svarendur í þessari könnun nefna flestir gagnrýna hugsun, sköpun, verkefnamiðað nám, hugverkavernd og faglega forystu. Þessir þættir koma meðal annars inn í nýja menntastefnu til ársins 2030,“ segir mennta- og menningarmálaráðherra, „Örar breytingar kalla á símenntun og öflugt þróunar- og nýsköpunarsamstarf en þegar má finna fjölmörg dæmi um spennandi verkefni á því sviði í íslenskum skólum.“
Menntagreining - vefrit á flettibók
PDF útgáfa af Menntagreiningu - til niðurhals
