Frumkvæði - nýtt úrræði fyrir fólk í atvinnuleit
03. maí 2018
Fulltrúar Nýsköpunarmiðstöðvar Íslands og Vinnumálastofnunar
Samkomulag hefur verið undirritað milli Nýsköpunarmiðstöðvar Íslands og Vinnumálastofnunar um nýtt úrræði sem nefnist Frumkvæði. Megintilgangur verkefnisins er að styðja fólk í atvinnuleit við að búa sér til eigin störf. Í úrræðinu Frumkvæði eiga atvinnuleitendur kost á fræðslu og leiðsögn til að kanna möguleika og tækifæri á að búa til eigið starf. Þátttakendur kanna þörf fyrir væntanlega þjónustu eða vörur sínar á markaði og gera viðskiptaáætlun um viðkomandi verkefni til að meta hvort verkefnið er raunhæft og hvað þurfi til svo að unnt sé að búa til starf.
Nánari upplýsingar og umsóknareyðublað má finna hér.
