Ísland og Kína í vísindasamstarf um minna kolefnisspor steinsteypu
24. september 2019
Undirritun samningsins á milli Íslands og Kína.
Nýsköpunarmiðstöð Íslands og og China Building Material Academy (CBMA) í Beijing hafa undirritað samning um vísindalegt samstarf um lækkun kolefnisspors byggingarefna, með aðaláherslu á steinsteypu.
Viðstaddur undirritun samstarfssamningsins var forseti heimsambands sementsframleiðenda (World Cement Association), dr. Zhiping Song.
Kínverjar hafa haft forgöngu um að lækka kolefnisspor (CO2e) sements, enda kemur meira en helmingur heimsframleiðslunnar frá Kína. Rannsóknastofa byggingariðnaðarins (Rb) við Nýsköpunarmiðstöð Íslands vinnur m.a. að vísindalegri þróun aðferða til að minnka sementsnotkun í steypu og er meðal þeirra fremstu í heiminum á þessu sviði.
Þetta er mikilvægur samningur þar sem Kínverjar lækka CO2e sements og Rb vinnur að því að lækka magn af sementi í steypu. Samanlagt getur þetta tvennt lækkað kolefnisspor marktækt á heimsvísu, þar sem steinsteypa er mest framleidda efni í heiminum (og mest notaða efni í heiminum á eftir vatni).
Samstarf þessara tveggja aðila um lækkun kolefnisspors steinsteypu getur því orðið mikilvægt skref að marktækri lækkun kolefnisspors á heimsvísu,
Þeir sem undirrita samninginn eru:
Sigríður Ingvarsdóttir, forstjóri Nýsköpunarmiðstöðvar Íslands
Prófessor Ólafur H. Wallevik, forstöðumaður Rb við Nýsköpunarmiðstöðvar
Prófessor Yan YAO, president of China Building Material Academy
Viðstödd undirritunina var ráðherra iðnaðar, nýsköpunar og ferðamála Þórdís Kolbrún Reykfjörð Gylfadóttir.
