Kara Connect er íslenskur sproti ársins í Nordic Startup Awards

Stofnandi ársins Þorbjörg Helga Vigfúsdóttir
(Mynd: Lárus Karl Ingason)

Íslensku úrslitin í norrænu frumkvöðlakeppninni Nordic Startup Awards liggja nú fyrir eftir verðlaunaathöfn í Ægisgarði á fimmtudag.  

Netkosningar hafa staðið yfir þar sem kosið er um framúrskarandi frumkvöðla og stuðningsaðila þeirra á Norðurlöndunum.  Keppt er í fjórtán flokkum og munu sigurvegarar í hverju landi fyrir sig keppa til úrslita um norrænu sprotaverðlaunin (Nordic Startup Awards).  Verðlaununum er ætlað að efla tengsl norrænu sprotasenunnar, sem og að verðlauna þá sprota, fjárfesta og stuðningsaðila sem skarað hafa fram úr á árinu. Úrslitakvöld Nordic Startup Awards fer fram í Kaupmannahöfn þann 30. október 2018.

Helstu úrslit hérlendis voru þau að sproti ársins á Íslandi var kosinn Kara Connect, stofnandi ársins var Þorbjörg Helga Vigfúsdóttir, fjárfestir ársins var Crowberry Capital og í vali fólksins varð frumkvöðullinn Oliver Luckett  hlutskarpastur. 

Hér að neðan má sjá sigurvegarana í hverjum flokki og aðra sem tilnefndir voru.

(Verðlaunin eru alþjóðleg og flokkatitlar eru á ensku.)